July 03, 2020
July 03, 2020
ദോഹ: ഖത്തറില്‍ സ്കോളർഷിപ്പുകളുടെ പേരിൽ തട്ടിപ്പ് നടക്കുന്നതായി വിദേശകാര്യ മന്ത്രാലയം മുന്നറിയിപ്പ് നൽകി. വ്യാജ യൂണിവേഴ്സിറ്റികളുടെ പേരിൽ വിദേശത്ത് ഉന്നത പഠനം വാഗ്ദാനം ചെയ്താണ് പണം തട്ടുന്നത്. സ്‌കോളര്‍ഷിപ്പുകളും സിലബസുകളുംവാഗ്ദാനം ചെയ്താണ് തട്ടിപ്പ് സംഘങ്ങൾ ജനങ്ങളെ കബളിപ്പിക്കുന്നത്.
ഇവര്‍ നല്‍കുന്ന ഫോണ്‍ നമ്പറുകളും വെബ്‌സൈറ്റുകളും വ്യാജമാണെന്ന് അന്വേഷണത്തിൽ കണ്ടെത്തിയതായി ക്യൂ.എൻ.എ റിപ്പോർട്ട് ചെയ്തു.പണം ലഭിച്ചു കഴിഞ്ഞാൽ ആഗോള സാമ്പത്തിക തീവ്രവാദത്തിൽ പങ്കാളിയായെന്ന് അറിയിച്ചു കൊണ്ട് ബ്ലാക് മെയിൽ ചെയ്ത് കൂടുതൽ പണം ആവശ്യപ്പെടുന്നതായും ശ്രദ്ധയിൽ പെട്ടിട്ടുണ്ട്. ഇത്തരം തട്ടിപ്പു സംഘങ്ങളുടെ കെണിയിൽ പെടാതിരിക്കാൻ ജനങ്ങൾ ജാഗ്രത പാലിക്കണമെന്ന് വിദേശകാര്യ മന്ത്രാലയം മുന്നറിയിപ്പ് നൽകി.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
