June 21, 2020
June 21, 2020
ദോഹ : ഖത്തറിൽ പാസ്പോർട്ട് പുതുക്കുന്നത് ഉൾപെടെയുള്ള കോൺസുലാർ സേവനങ്ങൾ ഈ മാസം 23 മുതൽ അബുഹമൂറിലെ ഐസിസിയിൽ പുനരാരംഭിക്കുമെന്ന് ഇന്ത്യൻ എംബസി അറിയിച്ചു. കോവിഡ് വ്യാപനത്തിന്റെ പശ്ചാത്തലത്തിൽ നിർത്തിവെച്ച സേവനങ്ങളാണ് ചൊവ്വാഴ്ച ഐസിസിയിൽ പുനരാരംഭിക്കുന്നത്. കോൺസുലാർ സേവനങ്ങൾക്കുള്ള വർധിച്ച ആവശ്യം കണക്കിലെടുത്താണ് നടപടിയെന്നും ഇന്ത്യൻ എംബസി ട്വിറ്ററിൽ അറിയിച്ചു.
അതേസമയം,മുൻകൂട്ടി അപ്പോയിൻമെൻറ് എടുത്ത നിശ്ചിത ആളുകൾക്ക് മാത്രമായിരിക്കും സേവനങ്ങൾ ലഭിക്കുക. ഐസിസി വഴി കോൺസുലാർ സേവനങ്ങൾക്ക് അപേക്ഷിക്കുന്നതിനായി രണ്ടു ദിവസത്തിനകം പുതിയ ലിങ്ക് ഏർപെടുത്തും.. കൂടുതൽ വിവരങ്ങൾക്ക് 4468 6607 എന്ന നമ്പറിൽ ബന്ധപ്പെടാവുന്നതാണ്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക