July 30, 2020
July 30, 2020
ദോഹ : ഖത്തറിൽ കോവിഡ് വ്യാപനം ഗണ്യമായി കുറഞ്ഞ സാഹചര്യത്തിൽ ബലി പെരുന്നാൾ അവധി ദിവസങ്ങളിൽ ജനങ്ങൾ കൊവിഡ് പ്രോട്ടോക്കോളുകള്‍ കൃത്യമായി പാലിക്കണമെന്ന് ആരോഗ്യമന്ത്രി ഡോ.ഹനാൻ അൽ ഖുവാരി ആവശ്യപ്പെട്ടു.രോഗബാധിതരുടെ എണ്ണം കുത്തനെ കുറയുന്ന സാഹചര്യത്തിൽ പ്രതിരോധ നടപടികള്‍ സ്വീകരിക്കുന്നതിൽ മടി കാണിക്കരുതെന്നും ഇത് രാജ്യത്തെ വീണ്ടും ഗുരുതരാവസ്ഥയിലേക്ക് നയിക്കുമെന്നും അവർ മുന്നറിയിപ്പ് നൽകി. ഈദ് അവധി ദിനങ്ങളിൽ പാലിക്കേണ്ട സുരക്ഷാ മാർഗ നിർദേശങ്ങൾ വിശദീകരിക്കുന്നതിനിടെയാണ് സമൂഹ മാധ്യമങ്ങൾ വഴി അവർ ഇക്കാര്യം വ്യക്തമാക്കിയത്.ബലി പെരുന്നാൾ ആഘോഷ വേളയിൽ കോവിഡ് വ്യാപനമുണ്ടാവുന്നത് തടയാൻ ലക്ഷ്യമാക്കിയാണ് സമൂഹ മാധ്യമങ്ങൾ വഴി പ്രത്യേക കാമ്പയിൻ നടത്തുന്നത്.
60 വയസിന് മുകളിൽ പ്രായമുള്ളവർ ഈദ് ആഘോഷ വേളകളിലെ സാമൂഹിക ഒത്തു ചേരലുകള്‍ പൂർണമായും ഒഴിവാക്കണം.
ഇതിനിടെ, കൊവിഡ്-19 മായി ബന്ധപ്പെട്ട വിവരങ്ങള്‍ക്ക് ഔദ്യോഗിക ഉറവിടങ്ങളെ മാത്രം ആശ്രയിക്കണമെന്നും വിശ്വസനീയമല്ലാത്ത ഉറവിടങ്ങളില്‍ നിന്നുള്ള വിവരങ്ങള്‍ പങ്കുവെക്കുന്നത് ഒഴിവാക്കണമെന്നും അധികൃതര്‍ ആവശ്യപ്പെട്ടു.
ന്യൂസ്‌റൂം വാർത്തകൾക്കുള്ള ഗ്രൂപ്പുകളിൽ ചേരാൻ +974 66200167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
