September 20, 2020
September 20, 2020
ദോഹ : ഖത്തറിൽ വ്യാപാരിയായ പെരിങ്ങത്തൂർ പുളിയനബ്രം ഒലിപ്പിൽ സ്വദേശി കോവിഡ് നാട്ടിൽ കോവിഡ് ബാധിച്ച് മരിച്ചു.ഒലിപ്പിൽ ജുമാ മസ്ജിദിന് സമീപം മീത്തൽ കൊയപ്പള്ളി മഹ്റൂഫ് (55) ആണ് തലശ്ശേരി സഹകരണ ആസ്പത്രിയിൽ മരിച്ചത്. ഖത്തറിൽ വ്യാപാരിയായ മഹറൂഫ് ആറ് മാസം മുമ്പാണ് നാട്ടിലേക്ക് പോയത്. പനി ബാധിച്ച് ആശുപത്രിയിൽ പ്രവേശിപ്പിച്ചതിനെ തുടർന്ന് നടത്തിയ പരിശോധനയിലാണ് കോവിഡ് സ്ഥിരീകരിച്ചത്.മഹ്‌റൂഫിന്റെ മകൾക്ക് നേരത്തെ കോവിഡ് സ്ഥിരീകരിച്ചിരുന്നു.
ചികിത്സയിലിരിക്കെ രോഗം മൂർച്ഛിച്ചതിനാൽ വെന്റിലേറ്ററിലേക്ക് മാറ്റിയിരുന്നു. ഞായറാഴ്ച രാവിലെയായിരുന്നു അന്ത്യം. മകളും, മകനും, മരുമകനും ആശുപത്രികളിൽ ചികിത്സയിലാണ്.
.പരേതരായ കൊയപ്പള്ളി മീത്തൽ മൂസ്സ ഹാജിയുടേയും കുഞ്ഞാമിയുടേയും മകനാണ്. ഭാര്യ കിഴക്കം വലിയത്ത് നസീറ മക്കൾ: മുഹ്സിൻ, മിൻഹാജ് (ഇരുവരും എൻ എ എം ഹയർ സെക്കന്ററി സ്ക്കൂൾ വിദ്യാർഥികൾ) മസ്റൂറ. ജാമാതാവ് മുഹമ്മദ് കണ്ണങ്കോട് (ഖത്തർ) സഹോദരങ്ങൾ: മഹമൂദ്(ഖത്തർ) ആയിഷ.
യൂത്ത് ലീഗ് വൈറ്റ്ഗാർഡ് അംഗങ്ങളുടെ നേതൃത്വത്തിൽ കോവിഡ് പ്രോട്ടോകോൾ പ്രകാരം മൃതദേഹം പെരിങ്ങത്തൂർ ജുമുഅത്ത് പളളി ഖബർസ്ഥാനിൽ ഖബറടക്കി.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200167 എന്ന വാട്സ്ആ പ് നമ്പറിലേക്ക് സന്ദേശമയക്കുക
