July 26, 2020
July 26, 2020
ദോഹ : ബലി പെരുന്നാളിന് മാസം വാങ്ങാൻ പോകുന്ന അറുപത് വയസ്സിന് മുകളിൽ പ്രായമുള്ളവർ ജാഗ്രത പാലിക്കണമെന്ന് പൊതുജനാരോഗ്യ മന്ത്രാലയം അറിയിച്ചു.ഏതെങ്കിലും തരത്തിലുള്ള അസുഖങ്ങൾ നേരിടുന്നവരാണെങ്കിൽ മാംസം വിൽക്കുന്ന കടകളിലോ അറവ് കേന്ദ്രങ്ങളിലോ ഇത്തരക്കാർ ഒരു കാരണവശാലും സന്ദർശിക്കരുത്.മറ്റുള്ളവരിൽ നിന്ന് മാംസം സ്വീകരിക്കുമ്പോഴും ആവശ്യമായ കരുതൽ ഉണ്ടാവണമെന്നും മന്ത്രാലയം ഓർമിപ്പിച്ചു.
ലൈസൻസ് ഇല്ലാത്ത കടകളിൽ നിന്നോ അറവ് ശാലകളിൽ നിന്നോ മാംസം വാങ്ങരുത്.പ്രായം കൂടിയവരും അസുഖങ്ങൾ ഉള്ളവരും ലൈസൻസോടെ പ്രവർത്തിക്കുന്ന സ്ഥാപനങ്ങളിൽ നിന്ന് ഹോം ഡെലിവറിയായി മാത്രമേ മാംസം വാങ്ങാൻ പാടുള്ളൂ എന്നും മന്ത്രാലയം ട്വിറ്റർ അക്കൗണ്ടിൽ നിർദേശിച്ചു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
