November 18, 2020
November 18, 2020
ദോഹ: മുഐതർ ഉം അല് സുബറയില് തൊഴിലാളികള് താമസിക്കുന്ന സ്ഥലങ്ങള്ക്കടുത്ത് ലൈസന്സ് ഇല്ലാതെ തെരുവു കച്ചവടം നടത്തിയവരെ കണ്ടെത്താനായി പരിശോധന തുടങ്ങി. പരിശോധനയില് കണ്ടെത്തിയ അനധികൃത തെരുവു കച്ചവടക്കാരെ അല് ഷഹാനിയ മുന്സിപ്പാലിറ്റിയിലെ മുന്സിപ്പല് കണ്ട്രോള് വിഭാഗം അധികൃതര് ഒഴിപ്പിച്ചു. ഇവര്ക്കെതിരെ നിയമനടപടികള് സ്വീകരിച്ചുവെന്നും ഇവര് തള്ളിയ മാലിന്യങ്ങള് പ്രദേശത്തു നിന്ന് നീക്കം ചെയ്തുവെന്നും മുന്സിപ്പലിറ്റി-പരിസ്ഥിതി മന്ത്രാലയം പ്രസ്താവനയില് അറിയിച്ചു.
ആഭ്യന്തര മന്ത്രാലയത്തിന്റെയും വാണിജ്യ-വ്യവസായ മന്ത്രാലയത്തിന്റെയും മുന്സിപ്പലിറ്റി-പരിസ്ഥിതി മന്ത്രാലയത്തിനു കീഴിലുള്ള പൊതു ശുചീകരണ വിഭാഗത്തിന്റെയും സഹകരണത്തോടെയായിരുന്നു പരിശോധന.
നേരത്തേ ഓഗസ്റ്റിലും അനധികൃത തെരുവു കച്ചവടക്കാര്ക്കെതിരെ ഖത്തര് മുന്സിപ്പലിറ്റി-പരിസ്ഥിതി മന്ത്രാലയം നടപടി സ്വീകരിച്ചിരുന്നു. ഉം അല് സുബര് പ്രദേശത്ത് നടത്തിയ പരിശോധനയില് പിടിച്ചെടുത്ത വസ്തുക്കള് കണ്ടുകെട്ടുകയും ചെയ്തിരുന്നു.
അനധികൃതമായി തെരുവു കച്ചവടം നടത്തിയ ചിലരെ അറസ്റ്റ് ചെയ്തിട്ടുമുണ്ട്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക.