July 05, 2020
July 05, 2020
ദോഹ : ഖത്തറില്‍ കോവിഡ് ഭേദമായവരുടെ എണ്ണം പുതുതായി രോഗം സ്ഥിരീകരിക്കുന്നവരേക്കാൾ മൂന്നിരട്ടിയായി വർധിച്ചു. കഴിഞ്ഞ 24 മണിക്കൂറിനിടെ 616 പേർക്ക് രോഗം സ്ഥിരീകരിച്ചപ്പോൾ 1897 പേർക്കാണ് കോവിഡ് ഭേദമായത്.92,284 പേരാണ് ഇതുവരെ രോഗമുക്തി നേടിയത്.ഇനി 7387 പേർ മാത്രമാണ് കോവിഡ് പോസറ്റിവായി തുടരുന്നത്.
കോവിഡ് ചികിത്സയിലായിരുന്ന അഞ്ചു പേര് കൂടി മരിച്ചതായും ഖത്തര്‍ ആരോഗ്യ മന്ത്രാലയം അറിയിച്ചു.ഇതോടെ മരണസംഖ്യ 128 ആയി. ഇന്ന് എട്ടു പേരെ കൂടി തീവ്ര പരിചരണ വിഭാഗത്തിൽ പ്രവേശിപ്പിച്ചതോടെ ഐ.സി.യുവിൽ തുടരുന്നവരുടെ എണ്ണം 175 ആയി. 52 പേരെയാണ് പുതുതായി ആശുപത്രിയിൽ പ്രവേശിപ്പിച്ചത്. നിലവിൽ 699 പേരാണ് ചികിത്സയിൽ തുടരുന്നത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
