November 08, 2020
November 08, 2020
ദോഹ : ഖത്തറിൽ കഴിഞ്ഞ 24 മണിക്കൂറിനിടെ190 പേർക്ക് കൂടി കോവിഡ് സ്ഥിരീകരിച്ചതായി പൊതുജനാരോഗ്യ മന്ത്രാലയം അറിയിച്ചു.അതേസമയം 201 പേർക്ക് പുതുതായി രോഗമുക്തി ലഭിച്ചിട്ടുണ്ട്.ചികിത്സയിലായിരുന്ന ആരും കഴിഞ്ഞ 24 മണിക്കൂറിനിടെ മരണപ്പെട്ടിട്ടില്ല.നവംബർ ഒന്നിനാണ് ഖത്തറിൽ അവസാനമായി കോവിഡ് മരണങ്ങൾ റിപ്പോർട്ട് ചെയ്തത്.ചികിത്സയിലായിരുന്ന മൂന്നു പേരാണ് അന്ന് മരണപ്പെട്ടത്.ഖത്തറിൽ ഇതുവരെ 232 പേർ കോവിഡ് ബാധിച്ചു മരിച്ചിട്ടുണ്ട്.
2695 പേരാണ് ഖത്തറിൽ ഇനി കോവിഡ് പോസറ്റിവ് ആയി അവശേഷിക്കുന്നത്. ആകെ രോഗമുക്തി നേടിയവരുടെ എണ്ണം131276 ആയി. ഒരാളെയാണ് പുതുതായി ഐസിയുവിൽ പ്രവേശിപ്പിച്ചത്.ഗുരുതരമായ രോഗലക്ഷണങ്ങളോടെ 30 പേരെ കൂടി ആശുപത്രിയിൽ പ്രവേശിപ്പിച്ചു. ചികിത്സയിലുള്ള 299 പേരിൽ 39 പേർ തീവ്രപരിചരണ വിഭാഗത്തിലാണ്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക.