July 06, 2020
July 06, 2020
ദോഹ : ഖത്തറില്‍ കോവിഡ് ഭേദമായവരുടെ എണ്ണം ഇന്നും പുതുതായി രോഗം സ്ഥിരീകരിക്കുന്നവരേക്കാൾ മൂന്നിരട്ടി വർധിച്ചു. കഴിഞ്ഞ 24 മണിക്കൂറിനിടെ 546 പേർക്ക് രോഗം സ്ഥിരീകരിച്ചപ്പോൾ 1614 പേർക്കാണ് കോവിഡ് ഭേദമായത്.93,898 പേരാണ് ഇതുവരെ രോഗമുക്തി നേടിയത്.ഇനി 6314 പേർ മാത്രമാണ് കോവിഡ് പോസറ്റിവായി തുടരുന്നത്.
കോവിഡ് ചികിത്സയിലായിരുന്ന അഞ്ചു പേര് കൂടി മരിച്ചതായും ഖത്തര്‍ ആരോഗ്യ മന്ത്രാലയം അറിയിച്ചു.ഇതോടെ മരണസംഖ്യ 133 ആയി. ഇന്ന് ഒൻപത്‌ പേരെ കൂടി തീവ്ര പരിചരണ വിഭാഗത്തിൽ പ്രവേശിപ്പിച്ചതോടെ ഐ.സി.യുവിൽ തുടരുന്നവരുടെ എണ്ണം 164 ആയി. 62 പേരെയാണ് പുതുതായി ആശുപത്രിയിൽ പ്രവേശിപ്പിച്ചത്. നിലവിൽ 706 പേരാണ് ചികിത്സയിൽ തുടരുന്നത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
