September 25, 2020
September 25, 2020
ദോഹ: ഖത്തറിൽ ഇന്ന് 225 പേർക്ക് കോവിഡ് സ്ഥിരീകരിച്ചതായി ആരോഗ്യവകുപ്പ് അറിയിച്ചു. അതേസമയം 249 പേർ രോഗമുക്തരായി. രാജ്യത്ത് ഇതുവരെ 1,21,512 പേരാണ് കോവിഡിൽ നിന്ന് മുക്തി നേടിയത്.ഇന്നും ചികിത്സയിലായിരുന്ന ആരും മരണപ്പെട്ടിട്ടില്ല.212 പേരാണ് ഇതുവരെ ഖത്തറിൽ കോവിഡ് ബാധിച്ച് മരണപ്പെട്ടത്.
രാജ്യത്ത് നിലവിൽ പോസറ്റിവ് ആയി തുടരുന്നത് 2,926 പേരാണ്. 441 പേരാണ് ചികിത്സയിലുള്ളത്.മൂന്നു പേരെ കൂടി തീവ്ര പരിചരണ വിഭാഗത്തിൽ പ്രവേശിപ്പിച്ചതോടെ ഐസിയുവിൽ തുടരുന്നവരുടെ എണ്ണം 63 ആയി. 39 പേരെയാണ് ഗുരുതര രോഗലക്ഷണങ്ങളോടെ ആശുപത്രിയിൽ പ്രവേശിപ്പിച്ചത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200167 എന്ന വാട്സ്ആപ് നമ്പറിലേക്ക് സന്ദേശമയക്കുക
