October 12, 2020
October 12, 2020
ദോഹ : ഖത്തറിൽ കഴിഞ്ഞ 24 മണിക്കൂറിനിടെ 206 പേർക്ക് കൂടി കോവിഡ് സ്ഥിരീകരിച്ചതായി പൊതുജനാരോഗ്യമന്ത്രാലയം അറിയിച്ചു.ഇതോടെ രാജ്യത്ത് കോവിഡ് പോസറ്റിവ് ആയി തുടരുന്നവരുടെ എണ്ണം 2795 ആയി.198 പേർ കൂടി പുതുതായി രോഗമുക്തി നേടിയതോടെ കോവിഡിനെ അതിജീവിച്ചവർ 125,176 ആയി.
അതേസമയം,ചികിത്സയിലായിരുന്ന ആരും മരണപ്പെട്ടിട്ടില്ല.മൂന്നു പേരെയാണ് തീവ്രപരിചരണ വിഭാഗത്തിൽ പ്രവേശിപ്പിച്ചത്. 40 പേരെ കൂടി ഗുരുതരമായ രോഗലക്ഷണങ്ങളോടെ ആശുപത്രിയിൽ പ്രവേശിപ്പിച്ചു. ചികിത്സയിലുള്ള 371 പേരിൽ 55 പേർ തീവ്ര പരിചരണ വിഭാഗത്തിലാണ്.
പുതുതായി രോഗം സ്ഥിരീകരിച്ചവരിൽ 177 പേർക്ക് സമ്പർക്കത്തിലൂടെയാണ് രോഗം ബാധിച്ചത്.29 പേർ രാജ്യത്തിനു പുറത്തു നിന്നും എത്തിയവരാണ്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200167 എന്ന ഖത്തർ വാട്സ്ആപ് നമ്പറിൽ ബന്ധപ്പെടുക.
