April 04, 2020
April 04, 2020
ദോഹ : ഖത്തറിൽ കോവിഡ് രോഗബാധിതരുടെ എണ്ണം കൂടുന്നു. ഇന്ന് (ശനിയാഴ്ച) 250 പേരിലാണ് പുതുതായി രോഗ ബാധ സ്ഥിരീകരിച്ചത്. ഇതോടെ രാജ്യത്തെ മൊത്തം രോഗബാധിതരുടെ എണ്ണം 1213 ആയി ഉയർന്നു.109 പേർ ഇതുവരെ സുഖം പ്രാപിച്ചിട്ടുണ്ട്. ഇന്ന് പതിനാറു പേരാണ് പുതുതായി സുഖം പ്രാപിച്ചത്.ഇതുവരെ മൂന്നു പേരാണ് ഖത്തറിൽ കോവിഡ് ബാധിച്ചു മരിച്ചത്.ദിവസങ്ങൾ നീണ്ട ഇടവേളക്ക് ശേഷമാണ് ഖത്തറിൽ ഒരു ദിവസം ഇത്രയധികം പേർക്ക് രോഗബാധ സ്ഥിരീകരിക്കുന്നത്.കഴിഞ്ഞ മാർച് 12 ന് 238 പേർക്ക് രാജ്യത്ത് ഒരു ദിവസം കോവിഡ് സ്ഥിരീകരിച്ചിരുന്നു.
പുതിയ സാഹചര്യത്തിൽ രാജ്യത്ത് നിയന്ത്രണങ്ങൾ കൂടുതൽ കടുപ്പിച്ചേക്കുമെന്നാണ് സൂചന. നിലവിൽ കോവിഡ് ബാധയെ പ്രതിരോധിക്കുന്നതിന് പല ഗൾഫ് രാജ്യങ്ങളും ഭാഗികമായി കർഫ്യു പ്രഖ്യാപിച്ചിട്ടുണ്ട്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.