January 30, 2021
January 30, 2021
ദോഹ: ഖത്തറില് കോവിഡ് കേസുകള് തുടര്ച്ചയായി ഉയരുന്നത് ആശങ്കയുണ്ടാക്കുന്നു. ശനിയാഴ്ച ആരോഗ്യമന്ത്രാലയം പുറത്തുവിട്ട കണക്കനുസരിച്ച് 363 പേര്ക്കു കൂടി രോഗം സ്ഥിരീകരിച്ചതോടെ രാജ്യത്ത് നിലവില് രോഗികളായി കഴിയുന്നവരുടെ എണ്ണം 5068 ആയി. അതേ സമയം, ഇന്ന് 112 പേര്ക്ക് മാത്രമാണ് രോഗം ഭേദമായത്. ഖത്തറില് കോവിഡിന്റെ രണ്ടാം തരംഗ സാധ്യത തള്ളിക്കളയാനാവില്ലെന്ന് കഴിഞ്ഞ ദിവസം ആരോഗ്യ വകുപ്പ് അധികൃതര് അറിയിച്ചിരുന്നു. അങ്ങിനെ വന്നാല്, നിലവില് നല്കിയ പല ഇളവുകളും പിന്വലിക്കുമെന്നും കൂടുതല് നിയന്ത്രണങ്ങള് ഏര്പ്പെടുത്തുമെന്നും അധികൃതര് മുന്നറിയിപ്പ് നല്കിയിട്ടുണ്ട്.
പുതിയ കണക്കുകള് പ്രകാരം ആകെ രോഗമുക്തരായവരുടെ എണ്ണം 145,668 ആയി. ഇന്ന് രോഗം സ്ഥിരീകരിച്ചവരില് 330 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 33 പേര് വിദേശരാജ്യങ്ങളില് നിന്നെത്തിയവരാണ്. കഴിഞ്ഞ 24 മണിക്കൂറിനിടെ 10,065 പേര്ക്കാണ് കോവിഡ് പരിശോധന നടത്തിയത്. 423 പേരാണ് നിലവില് ആശുപത്രിയില് ഉള്ളത്. ഇതില് 46 പേർ തീവ്രപരിചരണ വിഭാഗത്തിലാണ്.
ന്യൂസ്റൂം വാർത്തകൾക്കും തൊഴിൽ പരസ്യങ്ങൾ നൽകാനും +974 6620 0167 എന്ന വാട്സ്ആപ് നമ്പറിൽ സന്ദേശമയക്കുക.