March 10, 2020
March 10, 2020
ദോഹ : ഖത്തറിൽ കോവിഡ് 19 വൈറസ് ബാധിച്ചവരുടെ എണ്ണം 24 ആയി. ആറു വിദേശികളിലാണ് ഇന്ന് പുതുതായി രോഗബാധ സ്ഥിരീകരിച്ചതെന്ന് ആരോഗ്യമന്ത്രാലയം അറിയിച്ചു.നേരത്തെ രോഗം ബാധിച്ചവരുമായി സമ്പർക്കം പുലർത്തിയവരിലാണ് പുതുതായി രോഗബാധ സ്ഥിരീകരിച്ചത്. ഇവരെ സാംക്രമിക രോഗ ചികിത്സാ കേന്ദ്രത്തിലെ ഐസൊലേഷൻ വാർഡിൽ പാർപ്പിച്ചിരിക്കുകയാണ്.
വൈറസ് ബന്ധപ്പെട്ട സംശയങ്ങൾക്കും വിവരങ്ങൾ അറിയിക്കാനും ആഴ്ചയിൽ എല്ലാ ദിവസവും 24 മണിക്കൂറും പ്രവർത്തിക്കുന്ന ഹെൽപ്ലൈൻ പ്രവർത്തിക്കുന്നുണ്ട്. ഇതിനായി 16000 എന്ന ടോൾഫ്രീ നമ്പറിലാണ് വിളിക്കേണ്ടത്.