March 18, 2020
March 18, 2020
ദോഹ : ഖത്തറിൽ ബുധനാഴ്ച രാത്രിയോടെ 10 പേരിൽ കൂടി കോവിഡ് 19 സ്ഥിരീകരിച്ചു. ഇതോടെ ഖത്തറിൽ മൊത്തം രോഗബാധിതരുടെ എണ്ണം 452 ആയി. നേരത്തെ രോഗം കണ്ടെത്തിയവരുമായി സമ്പർക്കം പുലർത്തിയ വിദേശ തൊഴിലാളികളിലാണ് ഇന്ന് പുതുതായി രോഗബാധ സ്ഥിരീകരിച്ചതെന്ന് പൊതുജനാരോഗ്യമന്ത്രാലയം അറിയിച്ചു. സ്വിറ്റ്സർലാന്റിൽ നിന്നും രാജ്യത്ത് തിരിച്ചെത്തിയ ഒരു സ്വദേശിക്കും രോഗബാധയേറ്റിട്ടുണ്ട്.
എല്ലാവരെയും നിർബന്ധിത ഐസൊലേഷനിൽ പാർപ്പിച്ചിരിക്കുകയാണെന്നും ആരോഗ്യനില തൃപ്തികരമാണെന്നും മന്ത്രാലയം അറിയിച്ചു.രോഗമുള്ളവരുമായി സമ്പർക്കം നടത്തിയ എല്ലാവരെയും കണ്ടെത്തി പരിശോധിക്കാനുള്ള ശ്രമം മന്ത്രാലയം തുടരുകയാണ്. ഇതുവരെ ഖത്തറിൽ 8,873 പേരിൽ രോഗപരിശോധന പൂർത്തിയാക്കിയിട്ടുണ്ട്.ഇന്നലെ മൂന്ന് പേരിൽ രോഗം സ്ഥിരീകരിച്ചിരുന്നു.
ന്യൂസ്‌റൂം വാർത്തകൾ മുടങ്ങാതെ ലഭിക്കാത്തവർ +974 66200 167 എന്ന ഖത്തർ വാട്സാപ്പ് നമ്പറിലേക്ക് സന്ദേശം അയക്കുക.
