Breaking News
ദുബായില്‍ ഒറ്റത്തവണ ഉപയോഗിക്കാവുന്ന ഉല്‍പ്പന്നങ്ങള്‍ പൂര്‍ണമായും നിരോധിക്കുന്നു | ദോഹ എക്സ്പോ 2023 ന് ഇന്ന് തിരശ്ശീല വീഴും  | അബ്ദുൾനാസർ മഅ്ദനിയുടെ ആരോഗ്യനില ഗുരുതരമെന്ന് റിപ്പോർട്ട്, വെന്റിലേറ്ററിലേക്ക് മാറ്റി | റമദാനിലെ അവസാന 10 ദിവസങ്ങളിൽ തന്നെ ഫിത്വർ സകാത്ത് നൽകിത്തുടങ്ങാമെന്ന് ഖത്തർ മതകാര്യ മന്ത്രാലയം | 'ഐ ലവ് സൗദി അറേബ്യ,' വിരമിക്കുന്നതിനെ കുറിച്ച് ഇപ്പോൾ ചിന്തിക്കുന്നില്ലെന്ന് ലയണൽ മെസ്സി | ഖത്തറിൽ പ്രമുഖ മെഡിക്കൽ സർവീസ് കമ്പനിയിലേക്ക് ഡ്രൈവറെ ആവശ്യമുണ്ട്; ഇപ്പോൾ അപേക്ഷിക്കാം | ഖത്തറിൽ എലൈറ്റ് എക്സിബിഷൻ ആരംഭിച്ചു  | കുവൈത്തിൽ തെരഞ്ഞെടുപ്പ് പരസ്യ ചട്ടങ്ങൾ ലംഘിച്ചാൽ വൻ തുക പിഴ | ഈദുൽ ഫിത്വർ: ഖത്തറിൽ ജനന-മരണ സർട്ടിഫിക്കറ്റ് നൽകുന്നതിനുള്ള സമയം പ്രഖ്യാപിച്ചു | മിഡിൽ ഈസ്റ്റ് മേഖലയിൽ എൽഎൻജി ദ്രവീകരണ ശേഷിയുടെ 75 ശതമാനവും ഖത്തറിന്  |
അറബ് ലോകത്തിന്റെ സമാധാന ദൂതൻ ഓർമയായി,സംസ്കാര ചടങ്ങിൽ ഖത്തർ അമീർ പങ്കെടുത്തു 

September 30, 2020

September 30, 2020

കുവൈത്ത് സിറ്റി : ഇന്നലെ അന്തരിച്ച കുവൈത്ത് അമീർ ശൈഖ് സബാഹ് അൽ അഹ്മദ് അൽ ജാബർ അൽ സബയുടെ മൃതദേഹം ഔദ്യോഗിക ബഹുമതികളോടെ ഖബറടക്കി. മഗ്‌രിബ് നമസ്കാരത്തോടനുബന്ധിച്ചു അൽ ശദീഖിലെ ബിലാൽ ബിൻ റബാഹ് പള്ളിയിൽ ബന്ധുക്കളുടെയും രാജകുടുംബങ്ങളുടെയും സാന്നിധ്യത്തിലായിരുന്നു ഖബറടക്കം.കോവിഡിന്റെ പശ്ചാത്തലത്തിലാണ് സംസ്കാര ചടങ്ങുകൾക്ക് കടുത്ത നിയന്ത്രണം ഏർപെടുത്തിയത്.പൊതുജനങ്ങൾക്ക് വ്യാഴാഴ്ച മുതൽ അമീറിന്റെ ഖബറിടം സന്ദർശിച്ചു പ്രാർത്ഥിക്കാൻ അനുമതി നൽകിയിട്ടുണ്ട്.ഖത്തർ അമീർ ഷെയ്ഖ് തമീം ബിൻ ഹമദ് അൽതാനി കുവൈത്ത് അമീറിന്റെ അന്ത്യകര്മങ്ങളിൽ പങ്കെടുക്കാൻ ഇന്നുച്ചയോടെ തന്നെ കുവൈത്തിൽ എത്തിയിരുന്നു.

അമേരിക്കയിൽ നിന്നും ബുധനാഴ്ച ഉച്ചയോടെയാണ് കുവൈത്ത് എയർവേയ്‌സിന്റെ റോയൽ വിമാനത്തിൽ അമീറിന്റെ മൃതദേഹം കുവൈത്തിൽ എത്തിയത്.ദേശീയ പതാകയിൽ പുതപ്പിച്ച മൃതദേഹം വിമാനത്താവളത്തിൽ സ്വീകരിക്കുന്നതിന്റെ ദൃശ്യങ്ങൾ കുവൈത്ത് ടെലിവിഷൻ പുറത്തുവിട്ടു.

അർധ സഹോദരനും  പുതുതായി ചുമതലയേറ്റ കുവൈത്ത് അമീറുമായ ശൈഖ് നവാഫ് അൽ അഹ്മദ് അൽ സബാഹ്,മന്ത്രിമാർ,ഉന്നത ഉദ്യോഗസ്ഥർ,രാജകുടുംബാംഗങ്ങൾ, സുരക്ഷാ ഉദ്യോഗസ്ഥർ എന്നിവർ ചേർന്നാണ് മൃതദേഹം ഏറ്റുവാങ്ങിയത്.

വിമാനത്താവളത്തിൽ നിന്നും ബിലാൽ ബിൻ റബാ പള്ളിയിലേക്ക് കൊണ്ടുപോയ മൃതദേഹം വഹിച്ചുകൊണ്ടുള്ള വാഹനങ്ങൾക്ക് വഴിയൊരുക്കുന്നതിനായി നിരവധി റോഡുകൾ അടച്ചിരുന്നു.ഷൈഖ് സബാഹ് ഓര്‍മ്മയാകുന്നതോടെ കുവൈത്തിന് മാത്രമല്ല ലോകത്തിന് തന്നെ വിശ്വമാനവികതയുടെ പര്യായമായ ഒരു നേതാവിനെയാണ് നഷ്ടമായത്.

ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200167 എന്ന വാട്സ്ആപ് നമ്പറിലേക്ക് സന്ദേശമയക്കുക


Latest Related News