January 05, 2021
January 05, 2021
ദോഹ : മൂന്നര വർഷം നീണ്ട കാത്തിരിപ്പിന് ശേഷം ഖത്തറിൽ നിന്നും പുറത്തേക്കുള്ള ഏക കരമാർഗമായ അബുസമ്രാ അതിർത്തി ഉടൻ യാത്രക്കായി തുറക്കും.ഖത്തർ സമയം രാവിലെ 9 മണി വരെ അബു സമ്രാ അതിർത്തി വഴി കടത്തിവിട്ടിട്ടില്ല.എമിഗ്രെശ്ശൻ നടപടികൾ ഉൾപ്പെടെയുള്ള ക്രമീകരണങ്ങൾ പൂർത്തിയാകുന്ന മുറയ്ക്ക് ഉടൻ തന്നെ അതിർത്തി വഴി വാഹനങ്ങൾ കടത്തിവിടുമെന്നാണ് ലഭ്യമാകുന്ന വിവരം.
ഇതിനിടെ അതിർത്തി വഴി വാഹനങ്ങൾ പോകുന്നതായും എമിഗ്രെഷൻ നടപടികൾ തുടങ്ങിയതായും ചില അടിസ്ഥാനരഹിതമായ വാർത്തകൾ സമൂഹ മാധ്യമങ്ങളിൽ പ്രചരിക്കുന്നുണ്ട്.
ഇന്ന് റിയാദിൽ ചേരാനിരിക്കുന്ന നാല്പത്തി ഒന്നാമത് ഗൾഫ് ഉച്ചകോടിയിൽ ഖത്തറിനെതിരായ ഉപരോധം പിൻവലിക്കുന്നതുമായി ബന്ധപ്പെട്ട നിർണായക പ്രഖ്യാപനത്തിനായി കാത്തിരിക്കുന്നതിനിടെ തികച്ചും അപ്രതീക്ഷിതമായാണ് സൗദി തങ്ങളുടെ കര,വ്യോമ,ജല അതിർത്തികൾ ഖത്തറിനായി തുറക്കുന്നതായി അറിയിച്ചത്. ഇന്നലെ രാത്രി വൈകി കുവൈത്ത് വിദേശകാര്യ മന്ത്രി ദോഹയിൽ ഇക്കാര്യം പ്രഖ്യാപിച്ചത്.അതേസമയം,മറ്റ് രാജ്യങ്ങളി കൂടി ഉപരോധവുമായി ബന്ധപ്പെട്ട വിഷയത്തിൽ എന്ത് നിലപാട് എടുക്കുമെന്നാണ് എല്ലാവരും ആകാംക്ഷയോടെ കാത്തിരിക്കുന്നത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക
