May 31, 2020
May 31, 2020
ദോഹ : ഖത്തറിൽ ജൂൺ മാസത്തിൽ ഇന്ധന വിലയിൽ മാറ്റമുണ്ടാവില്ലെന്ന് ഖത്തർ പെട്രോളിയം അറിയിച്ചു. സൂപ്പര്‍ പെട്രോളിനും ഡീസലിനും ലിറ്ററിന് മെയിൽ ഈടാക്കിയിരുന്ന 1.05 റിയാല്‍ എന്ന നിരക്ക് ജൂണിലും തുടരും. തുടര്‍ച്ചയായ മൂന്നു മാസത്തെ വിലക്കുറവിന് ശേഷമാണ് ജൂണിൽ ഇന്ധന വില സ്ഥിരത കൈവരിച്ചത്.
ഏപ്രിലിൽ ലിറ്ററിന് 1.25 റിയാല്‍ ഉണ്ടായിരുന്നതാണ് മെയ് മാസം ഒരു റിയാലായി കുറഞ്ഞത്. മെയ് മാസം സൂപ്പര്‍ പെട്രോള്‍ 1.3 റിയാലില്‍ നിന്ന് 1.05 റിയാലായിരുന്നു നിരക്ക്. ഡീസല്‍ വില ഏപ്രിലില്‍ 1.3 റിയാല്‍ ഉണ്ടായിരുന്നത് മെയില്‍ 1.05 റിയാലാക്കി കുറച്ചിരുന്നു. കൊറോണ വ്യാപനത്തെ തുടര്‍ന്ന് അന്താരാഷ്ട്ര എണ്ണ വിപണിയില്‍ ഉണ്ടായ പ്രതിസന്ധിയാണ് വില കുറയാന്‍ ഇടയാക്കിയത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
