Breaking News
ദുബായില്‍ ഒറ്റത്തവണ ഉപയോഗിക്കാവുന്ന ഉല്‍പ്പന്നങ്ങള്‍ പൂര്‍ണമായും നിരോധിക്കുന്നു | ദോഹ എക്സ്പോ 2023 ന് ഇന്ന് തിരശ്ശീല വീഴും  | അബ്ദുൾനാസർ മഅ്ദനിയുടെ ആരോഗ്യനില ഗുരുതരമെന്ന് റിപ്പോർട്ട്, വെന്റിലേറ്ററിലേക്ക് മാറ്റി | റമദാനിലെ അവസാന 10 ദിവസങ്ങളിൽ തന്നെ ഫിത്വർ സകാത്ത് നൽകിത്തുടങ്ങാമെന്ന് ഖത്തർ മതകാര്യ മന്ത്രാലയം | 'ഐ ലവ് സൗദി അറേബ്യ,' വിരമിക്കുന്നതിനെ കുറിച്ച് ഇപ്പോൾ ചിന്തിക്കുന്നില്ലെന്ന് ലയണൽ മെസ്സി | ഖത്തറിൽ പ്രമുഖ മെഡിക്കൽ സർവീസ് കമ്പനിയിലേക്ക് ഡ്രൈവറെ ആവശ്യമുണ്ട്; ഇപ്പോൾ അപേക്ഷിക്കാം | ഖത്തറിൽ എലൈറ്റ് എക്സിബിഷൻ ആരംഭിച്ചു  | കുവൈത്തിൽ തെരഞ്ഞെടുപ്പ് പരസ്യ ചട്ടങ്ങൾ ലംഘിച്ചാൽ വൻ തുക പിഴ | ഈദുൽ ഫിത്വർ: ഖത്തറിൽ ജനന-മരണ സർട്ടിഫിക്കറ്റ് നൽകുന്നതിനുള്ള സമയം പ്രഖ്യാപിച്ചു | മിഡിൽ ഈസ്റ്റ് മേഖലയിൽ എൽഎൻജി ദ്രവീകരണ ശേഷിയുടെ 75 ശതമാനവും ഖത്തറിന്  |
ഖത്തറിൽ നാളെ മുതൽ കോവിഡ് വാക്സിൻ നൽകി തുടങ്ങും, ആദ്യഘട്ടത്തിൽ അർഹതയുള്ളവർ  പ്രാഥമികാരോഗ്യ കേന്ദ്രങ്ങളിൽ നേരിട്ട് ബന്ധപ്പെടണമെന്ന് നിർദേശം 

December 22, 2020

December 22, 2020

ദോഹ : ഖത്തറിൽ ആദ്യഘട്ടത്തിൽ തന്നെ കോവിഡ് വാക്സിൻ ലഭിക്കാൻ അർഹതയുള്ള വിഭാഗങ്ങളിൽ പെടുന്നവർ നേരിട്ട് പ്രാഥമികാരോഗ്യ കേന്ദ്രങ്ങളുമായി ബന്ധപ്പെടണമെന്ന് അധികൃതർ  ആവശ്യപ്പെട്ടു.പ്രൈമറി ഹെൽത്ത് കെയർ കോർപറേഷൻ ഓപ്പറേഷൻസ് വിഭാഗം എക്സിക്യൂട്ടീവ്  ഡയറക്റ്റർ ഡോ.സാമ്യ അൽ അബ്ദുല്ലയാണ് ഇക്കാര്യം അറിയിച്ചത്.ഈ വിഭാഗങ്ങളിൽ പെടുന്നവർക്ക് പ്രാഥമികാരോഗ്യ കേന്ദ്രങ്ങളിൽ നേരിട്ടെത്തി വാക്സിൻ സ്വീകരിക്കുന്നതിനുള്ള അപ്പോയിന്മെന്റ് എടുക്കാവുന്നതാണെന്ന് അവർ വ്യക്തമാക്കി.നാളെ (ബുധൻ )മുതലാണ് രാജ്യത്ത് വാക്സിൻ നൽകി തുടങ്ങുക.

ഫൈസർ-ബയോൺടെക് വാക്സിനുകൾ കഴിഞ്ഞ ദിവസമാണ് ദോഹയിൽ എത്തിയത്.അപകട സാധ്യത കൂടിയ  70 വയസ്സിനു മുകളില്‍ പ്രായമുള്ളവര്‍, വിട്ടുമാറാത്ത അസുഖമുള്ളവര്‍, ആരോഗ്യ  മേഖലയിലെ ജീവനക്കാർ എന്നീ വിഭാഗങ്ങളിൽ പെട്ടവർക്കാണ് ആദ്യഘട്ടത്തിൽ വാക്സിൻ നൽകുക.ആദ്യഘട്ടത്തിൽ പരിമിതമായ അളവിലുള്ള വാക്സിൻ മാത്രമാണ് രാജ്യത്ത് എത്തിയതെന്നും 2021 ൽ രാജ്യത്തെ മുഴുവൻ ജനങ്ങൾക്കും വാക്സിൻ ലഭ്യമാക്കുമെന്നും പൊതുജനാരോഗ്യ മന്ത്രാലയം തിങ്കളാഴ്ച വാർത്താ സമ്മേളനത്തിൽ അറിയിച്ചിരുന്നു.

 കോവിഡ് വാക്‌സിനേഷന്റെ ആദ്യ ഘട്ടം ഡിസംബര്‍ 23 മുതല്‍ ജനുവരി 31വരെയായിരിക്കും.ആദ്യ കുത്തിവെപ്പിന് ശേഷം 21 ദിവസങ്ങൾക്ക് ശേഷമാണ് രണ്ടാമത്തെ ഡോസ് നൽകുക.

വാക്സിനേഷന്‍ നല്‍കുന്ന ഏഴ് പ്രാഥമിക ആരോഗ്യ കേന്ദ്രങ്ങള്‍:

  • അല്‍ വാജ്ബ ഹെല്‍ത്ത് സെന്റര്‍
  • ലീബെയ്ബ് ഹെല്‍ത്ത് സെന്റര്‍
  • അല്‍ റുവൈസ് ഹെല്‍ത്ത് സെന്റര്‍
  • ഉം സലാല്‍ ഹെല്‍ത്ത് സെന്റര്‍
  • റാവദത്ത് അല്‍ ഖൈല്‍ ഹെല്‍ത്ത് സെന്റര്‍
  • അല്‍ തുമാമ ഹെല്‍ത്ത് സെന്റര്‍
  • മുയ്തര്‍ ഹെല്‍ത്ത് സെന്റര്‍

ഫൈസര്‍-ബയോ എന്‍ടെക് കമ്പനിയുടെ 14 പെട്ടി കോവിഡ് വാക്‌സിനാണ് കഴിഞ്ഞ ദിവസം ദോഹയിലെ ഹമദ് അന്താരാഷ്ട്ര വിമാനത്താവളത്തിലെത്തിയത്. ഖത്തര്‍ എയര്‍വെയ്‌സ് ബോയിങ് 787 പാസഞ്ചര്‍ വിമാനത്തിലാണ് ബ്രസല്‍സില്‍ നിന്നുള്ള വാക്‌സിന്റെ ആദ്യ ബാച്ച് എത്തിയത്. 

TELEGRAM

https://t.me/s/newsroomme

FACEBOOK PAGE

https://www.facebook.com/newsroomme

WHATSAPP

00974 66200167 


Latest Related News