October 05, 2019
October 05, 2019
ദോഹ: ദക്ഷിണ ഖത്തറില്‍ ഇന്നു മഴയ്ക്കു സാധ്യത. ഉച്ചയ്ക്കു ശേഷം മഴ പെയ്യാനിടയുണ്ടെന്നാണ് ഖത്തര്‍ കാലാവസ്ഥാ നിരീക്ഷണ വിഭാഗം അറിയിച്ചത്. മേഘങ്ങള്‍ ഉരുണ്ടുകൂടി മധ്യമേഖലയില്‍ ചെറിയ മഴയ്ക്കു സാധ്യതയുള്ളതായി റഡാര്‍ ചിത്രങ്ങള്‍ സൂചിപ്പിക്കുന്നതായി ഖത്തര്‍ മെട്രോളജി വിഭാഗം ട്വീറ്റ് ചെയ്തു. ഇത് ഇന്ന് ഉച്ചയോടെ ദക്ഷിണ ഖത്തര്‍ പ്രദേശങ്ങളില്‍ കൂടുതല്‍ ശക്തിപ്പെടാനിടയുണ്ടെന്നും റിപ്പോര്‍ട്ടില്‍ പറയുന്നു.
ഇന്ന് തീരപ്രദേശങ്ങളില്‍ വെളുപ്പിന് ആറുവരെ ചെറുതായി മേഘാവൃതവും ഈര്‍പ്പം നിറഞ്ഞതുമായ അന്തരീക്ഷമാണ് അനുഭവപ്പെട്ടത്. ചിലയിടങ്ങളില്‍ മൂടല്‍മഞ്ഞും അനുഭവപ്പെട്ടു.
പ്രധാനമായും തെക്കുകിഴക്കന്‍ ഭാഗത്തേക്കാണ് തീരപ്രദേശങ്ങളില്‍ കാറ്റ് പ്രതീക്ഷിക്കപ്പെടുന്നത്. ഒന്‍പത് മുതല്‍ 12 വരെ കി.മീറ്റര്‍ വേഗത്തിലായിരിക്കും കാറ്റ് വീശുക.
