January 05, 2021
January 05, 2021
ദോഹ : സംഘടനാ അച്ചടക്കം ലംഘിച്ച് പ്രവർത്തിച്ചതിന് ഖത്തർ കെ.എം.സി.സി മുൻ സംസ്ഥാന വൈസ് പ്രസിഡന്റ് ജാഫർ തയ്യിലിനെ എല്ലാ വിധ ഔദ്യോഗിക സ്ഥാനങ്ങളിൽ നിന്ന് രണ്ട് വർഷത്തേക്ക് മാറ്റിനിർത്തിയതായി കെ.എം.സി.സി സംസ്ഥാന കമ്മറ്റി അറിയിച്ചു.
ഇന്ത്യൻ എംബസിയുടെ അപ്പെക്സ് ബോഡിയിലേക്കുള്ള തെരഞ്ഞെടുപ്പുമായി ബന്ധപ്പെട്ട പ്രശ്നങ്ങളാണ് നടപടിക്ക് കാരണമെന്നാണ് സൂചന.ഐസിബിഎഫ് ഉൾപ്പെടെയുള്ള ഇന്ത്യൻ എംബസിയുടെ അപ്പെക്സ് ബോഡികളിലേക്കുള്ള തെരഞ്ഞെടുപ്പിൽ രാഷ്ട്രീയം കലർത്തരുതെന്ന കെ.എം.സി.സി നിലപാടിന് വിരുദ്ധമായി ജാഫർ പ്രവർത്തിച്ചതായാണ് നടപടിക്ക് കാരണമെന്ന് ഔദ്യോഗിക വിഭാഗം വിശദീകരിക്കുന്നു.ജാഫർ ഐസിബിഎഫ് മാനേജിങ് കമ്മറ്റിയിലേക്ക് മത്സരിക്കുന്നുണ്ട്. നേരത്തെ സംസ്ഥാന കമ്മിറ്റി ജാഫറിനോട് ഇതുസംബന്ധിച്ച് വിശദീകരണം തേടിയിരുന്നു. എന്നാൽ പ്രതികരണം തൃപ്തികരമല്ലാത്തത് കൊണ്ടാണ് അച്ചടക്ക നടപടി സ്വീകരിക്കുന്നത് എന്ന് സംസ്ഥാന കമ്മിറ്റി ഇതു സംബന്ധിച്ച വാർത്താ കുറിപ്പിൽ വ്യക്തമാക്കി.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക