April 29, 2020
April 29, 2020
ദോഹ : ഖത്തറിൽ നിന്നും ഇന്ത്യയിലേക്ക് മടങ്ങാൻ ആഗ്രഹിക്കുന്ന 15,000 ത്തോളം പേർ ഇതുവരെ എംബസിയുടെ പ്രത്യേക ലിങ്ക് വഴി രജിസ്റ്റർ ചെയ്തിട്ടുണ്ടെന്ന് ഇന്ത്യൻ എംബസി അറിയിച്ചു.ഇന്ത്യൻ സ്ഥാനപതി പി.കുമരൻ ന്യൂസ്‌റൂമിനെ അറിയിച്ചതാണ് ഇക്കാര്യം.കോവിഡ് പശ്ചാത്തലത്തിൽ അടിയന്തരമായി നാട്ടിലേക്ക് മടങ്ങാൻ ആഗ്രഹിക്കുന്നവരുടെ വിവരങ്ങൾ ശേഖരിക്കാനാണ് രജിസ്‌ട്രേഷന് സൗകര്യം ഒരുക്കിയതെന്ന് എംബസി നേരത്തെ അറിയിച്ചിരുന്നു.എന്നാൽ നാട്ടിലേക്കുള്ള വിമാനസർവീസുകൾ എപ്പോൾ തുടങ്ങുമെന്ന് ഇപ്പോൾ പറയാനാവില്ലെന്നും ഇന്ത്യൻ എംബസി ട്വീറ്റ് ചെയ്തിരുന്നു.
https://docs.google.com/forms/d/e/1FAIpQLSftPP5rNta6ZGPih37Os4AqbZnjwCpkIWCbpguTVyRdeADI7w/viewformഎന്ന ലിങ്ക് വഴിയാണ് രജിസ്‌ട്രേഷൻ നടപടികൾ പൂർത്തിയാക്കേണ്ടത്.പേരും ബന്ധപ്പെടാനുള്ള നമ്പറും നാട്ടിൽ ഏറ്റവും അടുത്തുള്ള വിമാനത്താവളം എന്നിവ ഉൾപ്പെടെയുള്ള വിവരങ്ങളാണ് നൽകേണ്ടത്. വിസയുടെ സ്വഭാവം,നാട്ടിലേക്ക് മടങ്ങാനുള്ള കാരണം എന്നിവയും ഓൺലൈൻ അപേക്ഷയിൽ നൽകിയിരിക്കണം.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
