May 11, 2020
May 11, 2020
ദോഹ: ഇന്നലെ ദോഹയില്‍ നിന്ന് തിരുവനന്തപുരത്തേക്ക് പുറപ്പെടേണ്ടിയിരുന്ന ദോഹ-തിരുവനന്തപുരം വിമാനം റദ്ദാക്കിയതുമായി ബന്ധപ്പെട്ട് ചില മാധ്യമങ്ങളിൽ പ്രചരിക്കുന്ന വാർത്തകൾ ഖത്തറിലെ ഇന്ത്യൻ എംബസി നിഷേധിച്ചു. വിമാനം റദ്ദാക്കിയത് സാങ്കേതിക തടസ്സങ്ങള്‍ കാരണമാണെന്നും ലാന്റിങ്, ഹാന്‍ഡ്‌ലിങ് ചാര്‍ജുമായി ബന്ധപ്പെട്ട അഭിപ്രായ വ്യത്യാസങ്ങള്‍ മൂലമല്ലെന്നും എംബസി ട്വിറ്ററില്‍ വ്യക്തമാക്കി. അതേസമയം 'സാങ്കേതിക കാരണങ്ങള്‍' എന്താണെന്ന് വിശദീകരിക്കാന്‍ എംബസി തയ്യാറായില്ല.
നാട്ടിലേക്ക് മടങ്ങാനുള്ള തയാറെടുപ്പുകളോടെ അഞ്ചു മണിക്കൂർ മുമ്പ് വരെ വിമാനത്താവളത്തിലെത്തിയ രോഗികളും ഗർഭിണികളും ഉള്‍പ്പെടെയുള്ള 180 ലേറെ യാത്രക്കാരാണ് ഇന്നലെ മണിക്കൂറുകളോളം കാത്തിരുന്നത്. എന്നാൽ ഇക്കാര്യത്തിൽ കൃത്യമായ വിശദീകരണം നൽകാൻ അധികൃതർക്ക് കഴിയാതിരുന്ന സാഹചര്യത്തിൽ മാധ്യമങ്ങളിൽ വന്‍വിമര്‍ശനം ഉയരുന്നതിനിടെയാണ്എംബസി ഇങ്ങനെയൊരു വിശദീകരണവുമായി രംഗത്തെത്തിയത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
