May 05, 2020
May 05, 2020
ദോഹ : നാട്ടിലേക്ക് മടങ്ങേണ്ട ഇന്ത്യക്കാർക്കായി ഖത്തർ ഇന്ത്യൻ എംബസി ആരംഭിച്ച ഓൺലൈൻ രജിസ്‌ട്രേഷൻ സൗകര്യം താൽകാലികമായി നിർത്തിവെച്ചു. കഴിഞ്ഞ ദിവസം വൈകീട്ട് മുതൽ രജിസ്ട്രേഷനായി ശ്രമിച്ചവർക്ക് ഈ സൗകര്യം ഇപ്പോൾ ലഭ്യമല്ലെന്ന വിവരമാണ് ലഭിക്കുന്നത്. 38000 ത്തിലധികം പേർ രജിസ്റ്റർ ചെയ്ത സാഹചര്യത്തിലാണ് താത്കാലികമായി ഈ സൗകര്യം നിർത്തലാക്കിയതെന്നാണ് എംബസി വൃത്തങ്ങളിൽ നിന്ന് ലഭിച്ച വിവരം.അതേസമയം, അടിയന്തരമായി നാട്ടിലേക്ക് പോകാൻ തക്കതായ കാരണങ്ങൾ ഉള്ളവർക്ക് ഇന്ത്യൻ എംബസിയുടെ ഹെൽപ് ലൈൻ നമ്പറുകളിൽ ബന്ധപ്പെട്ട് അപേക്ഷ നൽകാവുന്നതാണ്. വിളിക്കേണ്ട നമ്പർ - 5566 7569 ,5564 7502. നിലവിൽ അപേക്ഷ സമർപ്പിച്ചവരിൽ നിന്ന് തെരഞ്ഞെടുക്കപ്പെടുന്നവരെ മുൻഗണനാ പ്രകാരം യാത്രക്കുള്ള തിയതിയും മറ്റു വിവരങ്ങളും എംബസിയിൽ നിന്ന് അറിയിക്കും
അത്യാഹിത സ്വഭാവത്തിലുള്ള കാരണങ്ങളില്ലാതെ തിരക്കിട്ട് എംബസിയിൽ രജിസ്റ്റർ ചെയ്യുന്നത് കൊണ്ട് പ്രത്യേകിച്ച് പ്രയോജനമൊന്നുമില്ലെന്നാണ് ലഭ്യമായ വിവരം.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
