January 08, 2021
January 08, 2021
ദോഹ : ഇക്കഴിഞ്ഞ ജനുവരി അഞ്ചിന് സൗദിയിലെ അൽ ഉലയിൽ ചേർന്ന നാല്പത്തിയൊന്നാമത് ഗൾഫ് ഉച്ചകോടിയിൽ അൽ ജസീറ ചാനൽ അടച്ചുപൂട്ടണമെന്ന ആവശ്യം ചർച്ച ചെയ്തിട്ടില്ലെന്ന് ഖത്തർ വിദേശകാര്യ മന്ത്രിയും ഉപപ്രധാനമന്ത്രിയുമായ ശൈഖ് മുഹമ്മദ് ബിൻ അബ്ദുൽ റഹ്മാൻ അൽതാനി പറഞ്ഞു.അൽജസീറ ചാനലിന്റെയും അതിലെ പ്രൊഫഷണലുകളുടെയും സാന്നിധ്യം രാജ്യത്തിന് അഭിമാനമാണെന്നും അദ്ദേഹം പറഞ്ഞു.
2017 ജൂൺ അഞ്ചിന് ചില അയൽരാജ്യങ്ങൾ ഖത്തറിനെതിരെ ഏർപെടുത്തിയ ഉപരോധം പിൻവലിക്കുന്നതിന് മുന്നോട്ടുവെച്ച ഉപാധികളിൽ അൽ ജസീറ ചാനൽ അടച്ചുപൂട്ടണമെന്ന നിബന്ധന പ്രധാനമായിരുന്നു.
"അഭിപ്രായ സ്വാതന്ത്ര്യം ഞങ്ങൾ ഉറപ്പുനൽകുന്ന കാര്യമാണ്.അൽ ജസീറയുമായി ബന്ധപ്പെട്ട വിഷയങ്ങൾ ക്രിയാത്മകവും ആരോഗ്യകരവുമായാണ് കൈകാര്യം ചെയ്യേണ്ടത് -" അദ്ദേഹം പറഞ്ഞു.നിലവിലെ പ്രതിസന്ധി പരിഹരിക്കുന്നതിന് എല്ലാവരും ഇച്ഛാശക്തിയോടെ പെരുമാറിയതായും അദ്ദേഹം കൂട്ടിച്ചേർത്തു.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക