October 29, 2019
October 29, 2019
ദോഹ : ഖത്തറിൽ സ്വകാര്യ സ്കൂളുകളും കിന്റർഗാർട്ടനുകളും തുടങ്ങാനുള്ള ലൈസൻസുകൾക്കുള്ള അപേക്ഷകൾ നവംബർ മൂന്നു മുതൽ സ്വീകരിച്ചു തുടങ്ങുമെന്ന് വിദ്യാഭ്യാസ - ഉന്നതവിദ്യാഭ്യാസ മന്ത്രാലയം അറിയിച്ചു. 2020-2021 അധ്യയന വർഷത്തിൽ സ്വകാര്യമേഖലയിൽ പുതിയ സ്കൂളുകൾ തുടങ്ങുന്നതിനാണ് അപേക്ഷിക്കേണ്ടത്.ഡിസംബർ 31 വരെ അപേക്ഷകൾ സ്വീകരിക്കും.
അപേക്ഷകർ വിദ്യാഭ്യാസ മന്ത്രാലയത്തിലോ അതുമായി ബന്ധപ്പെട്ട ബോഡികളിലോ ജോലി ചെയ്യുന്നവർ ആയിരിക്കരുത്. 21 വയസ്സിൽ താഴെ പ്രായമുള്ളവർ ആയിരിക്കരുതെന്നും നിബന്ധനയുണ്ട്.അപേക്ഷയോടൊപ്പം ഖത്തർ ഐ.ഡിയുടെ പകർപ്പും സമർപ്പിക്കണം. വിദ്യാഭ്യാസ-ഉന്നത വിദ്യാഭ്യാസ മന്ത്രാലയത്തിന്റെ ഔദ്യോഗിക വെബ്സൈറ്റ് വഴിയാണ് അപേക്ഷിക്കേണ്ടത്.
കൂടുതൽ വിവരങ്ങൾക്ക് മന്ത്രാലയത്തിന്റെ 44044772 / 44045128 / 44045147 / 44044769 എന്നീ ടെലിഫോൺ നമ്പറുകളിൽ ബന്ധപ്പെടേണ്ടതാണ് .