August 26, 2020
August 26, 2020
ദോഹ : ജെഇഇ(മെയിന്‍) പരീക്ഷാ സെന്റര്‍ ബിര്‍ള പബ്ലിക് സ്‌കൂളിലേക്ക് മാറ്റാന്‍ നാഷനല്‍ ടെസ്റ്റിങ് ഏജന്‍സി തീരുമാനിച്ചു. ഇന്ത്യന്‍ എംബസിയാണ് ഇക്കാര്യം അറിയിച്ചത്.
ഇന്ത്യയിലെ വിവിധ എഞ്ചിനീയറിങ് കോളജുകളിലേക്കും ഐഐടി, എന്‍ഐടി ഉള്‍പ്പെടെയുള്ള സ്ഥാപനങ്ങളിലേക്കും പ്രവേശനം നേടുന്നതിനുള്ള ജോയിന്റ് എന്‍ട്രന്‍സ് പരീക്ഷ .(ജെഇഇ) നടത്താൻ ഖത്തറിൽ ഫാമിലി കമ്പ്യൂട്ടര്‍ സെന്ററിനെയാണ് നേരത്തെ ചുമതലപ്പെടുത്തിയിരുന്നത്.നിലവിലെ തീരുമാന പ്രകാരം സപ്തംബര്‍ 2, 3 തീയ്യതികളിലാണ് പരീക്ഷ നടക്കേണ്ടത്. എന്നാൽ ദോഹയിലെ റയ്യാനിൽ പ്രവർത്തിക്കുന്ന ഫാമിലി കമ്പ്യൂട്ടര്‍ സെന്റർ അവസാന നിമിഷം കൈമലർത്തിയതാണ് വിദ്യാർത്ഥികളെയും രക്ഷിതാക്കളെയും ആശങ്കയിലാക്കിയത്. ഖത്തർ വിദ്യാഭ്യാസ മന്ത്രാലയത്തിന്റെ അനുമതിയില്ലാതെ പരീക്ഷ നടത്താൻ കഴിയില്ലെന്നായിരുന്നു ഇവരുടെ വിശദീകരണം. ഇതേത്തുടർന്നാണ് ഖത്തറിലെ ഇന്ത്യൻ എംബസി ഇടപെട്ട് പരീക്ഷാ കേന്ദ്രം ബിർളാ സ്‌കൂളിലേക്ക് മാറ്റുകയായിരുന്നു.
നിരവധി വര്‍ഷങ്ങളായി ബിര്‍ള സ്കൂളില്‍ വെച്ച് തന്നെയാണ് പരീക്ഷ നടക്കുന്നത്.
ന്യൂസ്‌റൂം വാർത്തകൾ ടെലഗ്രാമിൽ ലഭിക്കാൻ ഈ ലിങ്കിൽ ചേരുക.വാർത്തകൾ വാട്സ്ആപ്പിൽ ലഭിക്കാൻ +974 66200167 എന്ന നമ്പറിൽ ബന്ധപ്പെടുക.
