November 07, 2019
November 07, 2019
ദോഹ: ഹമദ് രാജ്യാന്തര വിമാനത്താവളം വഴി കഞ്ചാവ് കടത്താനുള്ള ശ്രമം അധികൃതര് പിടികൂടി. വിമാനത്താവളത്തിലെ കസ്റ്റംസ് അധികൃതരാണ് കഞ്ചാവുമായി വിമാനത്താവളത്തിലെത്തിയ ഏഷ്യന് വംശജനെ പിടികൂടിയത്.
ഇയാളില്നിന്ന് 3.25 കി.ഗ്രാം കഞ്ചാവാണു പിടിച്ചെടുത്തത്. പ്രതിയുടെ ബാഗിള് ഒളിപ്പിച്ച നിലയിലായിരുന്നു കഞ്ചാവ്. ഖത്തര് കസ്റ്റംസ് വിഭാഗം ഔദ്യോഗിക ട്വിറ്റര് അക്കൗണ്ടിലൂടെയാണ് കഞ്ചാവു കടത്തുശ്രമം പരാജയപ്പെടുത്തിയ വിവരം പുറത്തുവിട്ടത്. ഇയാള്ക്കെതിരെ നിയമനടപടികള് സ്വീകരിച്ചുവരികയാണ്.
നിയമവിരുദ്ധ സാധനങ്ങള് രാജ്യത്തേക്കു കടത്തുന്നതിനെതിരെ പലതവണ ഖത്തര് അധികൃതര് മുന്നറിയിപ്പ് നല്കിയതാണ്. ഇത്തരം കള്ളക്കടത്തുകാരെ പിടികൂടാനായി എല്ലാവിധ സാങ്കേതിക സംവിധാനങ്ങളും അധികൃതര് വിമാനത്താവളങ്ങള്, തുറമുഖങ്ങള് അടക്കമുള്ള സ്ഥലങ്ങളില് സജ്ജീകരിക്കുകയും ചെയ്തിട്ടുണ്ട്.