March 26, 2021
March 26, 2021
ദോഹ: ലോകത്തെ ഏറ്റവും വലിയ വിമാന കമ്പനി എന്ന പദവി നിലനിര്‍ത്തി ഖത്തര്‍ എയര്‍വെയ്‌സ്. അവെയ്‌ലബ്ള്‍ സീറ്റ് കിലോമീറ്റേഴ്‌സ് (ASK) കണക്കുകള്‍ അനുസരിച്ചുള്ള പുതിയ സ്വതന്ത്രമായ വിവരങ്ങള്‍ പ്രകാരമാണ് ഒ.എ.ജി ഖത്തര്‍ എയര്‍വെയ്‌സിന് ലോകത്തെ ഏറ്റവും വലിയ വിമാന കമ്പനി എന്ന പദവി നല്‍കിയിരിക്കുന്നത്. മറ്റേത് വിമാന കമ്പനിയെക്കാളും കൂടുതലായി യാത്രക്കാര്‍ക്ക് കൂടുതല്‍ കണക്റ്റിവിറ്റി ഖത്തര്‍ എയര്‍വെയ്‌സ് നല്‍കുന്നുവെന്നാണ് ഒ.എ.ജി പറഞ്ഞത്.
130 ലധികം ലക്ഷ്യസ്ഥാനങ്ങളിലേക്ക് ആഴ്ചയില്‍ ആയിരത്തിലധികം വിമാന സര്‍വ്വീസുകളാണ് ഖത്തര്‍ എയര്‍വെയ്‌സ് നടത്തുന്നത്. 2021 മാര്‍ച്ചില്‍ 260 കോടിയായിരുന്നു ഖത്തര്‍ എയര്‍വെയ്‌സിന്റെ അവെയ്‌ലബ്ള്‍ സീറ്റ് കിലോമീറ്റേഴ്‌സ്. അന്താരാഷ്ട്ര ലക്ഷ്യസ്ഥാനങ്ങളിലേക്ക് ഏറ്റവും കൂടുതല്‍ വിമാനസര്‍വ്വീസുകള്‍ നടത്തുന്നതും ഖത്തര്‍ എയര്‍വെയ്‌സാണ്.
കൊവിഡ് മഹാമാരി ആഗോള തലത്തില്‍ വ്യോമയാന വ്യവസായത്തെ സാരമായി ബാധിച്ചുവെങ്കിലും ഖത്തര്‍ എയര്‍വെയ്‌സ് ഇത് അതിജീവിച്ചുകൊണ്ട് പ്രവര്‍ത്തനം തുടര്‍ന്നു. പ്രതിസന്ധി കാലത്തും ജനങ്ങളെ സുരക്ഷിതമായും വിശ്വസിനീയമായും തങ്ങളുടെ ലക്ഷ്യസ്ഥാനങ്ങളിലെത്താന്‍ ഖത്തര്‍ എയര്‍വെയ്‌സ് സഹായിച്ചു.
ന്യൂസ് റൂം വാര്‍ത്തകള്‍ വാട്ട്‌സ്ആപ്പില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.
ന്യൂസ് റൂം വാര്‍ത്തകള്‍ ടെലിഗ്രാമില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.
