April 02, 2020
April 02, 2020
ദോഹ : ദോഹയിൽ നിന്നും ഇന്ത്യയിലേക്കും തിരിച്ചുമുള്ള കാർഗോ സർവീസുകളുടെ എണ്ണം വർധിപ്പിക്കുമെന്ന് ഖത്തർ എയർവെയിസ്
അറിയിച്ചു. പാസഞ്ചർ വിമാനങ്ങളടക്കം ഇതിനായി ഉപയോഗിക്കും. ഇന്ത്യയിൽ നിന്നുള്ള ഫാർമസ്യൂട്ടിക്കൽസ്, മറ്റുൽപ്പന്നങ്ങൾ എന്നിവക്ക് ഡിമാൻഡ് കൂടിയതിനാലാണ് പുതിയ കാർഗോ സർവീസുകൾ ഏർപെടുത്തുന്നതെന്ന് ഖത്തർ എയർവേയ്സ് ചീഫ് എക്സിക്യൂട്ടീവ് ഓഫീസർ അക്ബർ അൽ ബേക്കർ അറിയിച്ചു.
ഡൽഹി 3, ഹൈദരാബാദ് 2 , കൊൽക്കത്ത 2 , ബെംഗളൂരു 3, ചെന്നൈ 4, മുംബൈ 5 എന്നിങ്ങനെയാണ് നിലവിലുള്ള പ്രതിവാര കാർഗോകളുടെ എണ്ണം. പാസഞ്ചർ വിമാനങ്ങൾ മാത്രം ഉപയോഗിച്ചുള്ള സർവീസുകളുടെ കണക്കാണിത്.
പാസഞ്ചർ വിമാനങ്ങൾ ഉപയോഗിച്ച് ചരക്ക് നീക്കം സാധ്യമാക്കാൻ സഹായിച്ചതിന് ഇന്ത്യൻ സർക്കാരിനോടുള്ള നന്ദി അദ്ദേഹം അറിയിച്ചു. വിമാനത്തിൽ ക്യാബിൻ ക്രൂ അംഗങ്ങളോ യാത്രക്കാരോ ഉണ്ടായിരിക്കില്ല. അത്യാവശ്യമായ മെഡിക്കൽ സേവനങ്ങൾ ഉൾപ്പെടെയുള്ള ചരക്ക് നീക്കം ഇനിയും തുടരാൻ കഴിയുമെന്ന പ്രത്യാശയും അദ്ദേഹം പ്രകടിപ്പിച്ചു.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.