August 08, 2020
August 08, 2020
ദോഹ : കേരളത്തിൽ നിന്നും ഉൾപെടെ ഇന്ത്യയിൽ നിന്നും ഖത്തറിലേക്ക് തിരിച്ചു വരുന്ന ഖത്തർ എയർവേയ്‌സ് യാത്രക്കാർക്കുള്ള കോവിഡ് പരിശോധനാ കേന്ദ്രങ്ങളുടെ വിവരങ്ങൾ പ്രസിദ്ധീകരിച്ചു. ഖത്തർ എയർവേയ്‌സിന്റെ ഔദ്യോഗിക വെബ്‌സൈറ്റിലാണ് ഇത് സംബന്ധിച്ച വിവരങ്ങൾ ഉള്ളത്.ഇതനുസരിച്ച് 12 വയസ്സിൽ താഴെ പ്രായമുള്ള കുട്ടികൾ ഒഴികെ ഖത്തർ എയർവേയ്‌സ് വിമാനങ്ങളിൽ യാത്ര ചെയ്യുന്ന എല്ലാവർക്കും താഴെ പറയുന്ന ലാബുകളിൽ നിന്ന് ആർ.ടി-പി.സി.ആർ പരിശോധന നടത്തിയതിന്റെ കോവിഡ് നെഗറ്റിവ് ഫലം ആവശ്യമായിരിക്കും. ഇന്ത്യയിൽ കേരളത്തിന് പുറമെ,അഹമ്മദാബാദ്,അമൃത്‌സർ,ബംഗളുരു,ചെന്നൈ,ഗോവ,ഹൈദരാബാദ്,കൊൽക്കത്ത,നാഗ്പൂർ,മുംബൈ,ന്യൂഡൽഹി എന്നിവിടങ്ങളിലും പരിശോധനാ കേന്ദ്രങ്ങൾ ഉണ്ട്.
കേരളത്തിലെ ഖത്തർ എയർവേയ്‌സ് അംഗീകരിച്ച കോവിഡ് പരിശോധനാ ലാബുകൾ ഇവയാണ് :
ഇന്ത്യയിൽ നിന്നും ഖത്തറിലേക്ക് സർവീസ് നടത്താൻ അനുമതി ലഭിച്ചാൽ ഖത്തർ എയർവേയ്‌സ് വിമാനങ്ങളിൽ യാത്ര ചെയ്യുന്നവർക്ക് ഈ കേന്ദ്രങ്ങളിൽ നിന്നുള്ള കോവിഡ് നെഗറ്റിവ് പരിശോധനാ ഫലം നിർബന്ധമായിരിക്കും.എന്നാൽ മറ്റു വിമാനങ്ങളിൽ യാത്ര ചെയ്യുന്നവർക്ക് ഐ.സി.എം.ആർ അംഗീകാരമുള്ള ഏതെങ്കിലും ലാബിൽ നിന്നുള്ള പരിശോധനാ ഫലം മതിയാകുമെന്നാണ് സൂചന.വിമാനങ്ങളിൽ യാത്ര ചെയ്യുന്നതിന് മാത്രമാണ് നിലവിലെ സാഹചര്യത്തിൽ കോവിഡ് നെഗറ്റിവ് ഫലം ആവശ്യമുള്ളത്.ഇന്ത്യ നിലവിൽ കോവിഡ് വ്യാപനത്തോത് കൂടിയ അതിതീവ്ര മേഖലയായതിനാൽ ദോഹ വിമാനത്താവളത്തിൽ തന്നെ കോവിഡ് പരിശോധന നടത്തി ഫലം നെഗറ്റിവ് ആണെങ്കിൽ ഹോട്ടൽ കൊറന്റൈനിലേക്കും പോസറ്റിവ് ആണെങ്കിൽ ഐസൊലേഷനിലേക്കും മാറ്റും.
അതേസമയം,ഇന്ത്യയിൽ നിന്നും ഖത്തറിലേക്ക് വിമാന സർവീസുകൾ തുടങ്ങുന്ന കാര്യത്തിൽ ഇതുവരെ തീരുമാനമായിട്ടില്ല.ബലി പെരുന്നാൾ അവധി കഴിഞ്ഞു നാളെ ബന്ധപ്പെട്ട മന്ത്രാലയങ്ങൾ പ്രവർത്തിച്ചു തുടങ്ങുന്നതോടെ നടപടിക്രമങ്ങൾ വേഗത്തിലാകുമെന്നാണ് പ്രതീക്ഷിക്കുന്നത്.നിലവിൽ നാട്ടിൽ നിന്ന് വരുന്ന വന്ദേഭാരത് മിഷൻ വിമാനങ്ങളിൽ ഖത്തറിലേക്ക് യാത്രക്കാരെ കൊണ്ടുവരാൻ അനുമതിയില്ല. ചാർട്ടേഡ് വിമാനങ്ങൾക്കും ഇതുവരെ അനുമതി നൽകിയിട്ടില്ല.
ന്യൂസ്‌റൂം വാർത്തകൾക്കുള്ള ഗ്രൂപ്പുകളിൽ ചേരാൻ +974 66200167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
