November 19, 2019
November 19, 2019
ദോഹ: ടിക്കറ്റ് നിരക്കിൽ പ്രത്യേക ഡിസ്കൗണ്ടുകൾ പ്രഖ്യാപിച്ച് ഖത്തർ എയർവേസ്. ഇക്കോണമി ക്ലാസിൽ 30 ശതമാനവും ഫസ്റ്റ് ക്ലാസിലും ബിസിനസ് ക്ലാസിലും 20 ശതമാനവുമാണ് ടിക്കറ്റ് ഇളവുകൾ പ്രഖ്യാപിച്ചിരിക്കുന്നത്.
ഔദ്യോഗിക ട്വിറ്റർ അക്കൗണ്ടിലൂടെയാണ് എയർവേസ് ടിക്കറ്റ് നിരക്കിലെ ഇളവുകൾ അറിയിച്ചത്. 2020 മാർച്ച് 31 വരെയുള്ള യാത്രകൾക്കാണ് ഇളവുകൾ അനുവദിക്കുക. ഈ ആനുകൂല്യം ലഭിക്കാൻ നാളെ വരെ ഓൺലൈനായി ടിക്കറ്റ് ബുക് ചെയ്യാൻ അവസരമുണ്ട്.
ഖത്തർ എയർവേസ് സർവീസ് നടത്തുന്ന 160ഓളം കേന്ദ്രങ്ങളിലേക്കുള്ള യാത്രകൾക്കാണ് നിരക്കിളവ് നൽകുന്നത്. നേരത്തെ തന്നെ കമ്പനി നൽകിവരുന്ന മികച്ച സേവനങ്ങളോടൊപ്പമാണ് പ്രത്യേക ഇളവുകൾ നൽകുന്നത്.