March 31, 2021
March 31, 2021
ദോഹ: ഖത്തറില്‍ ഇന്ധനവില വീണ്ടും വര്‍ധിപ്പിച്ചു. ഏപ്രില്‍ മാസത്തെ ഇന്ധനവില ഖത്തര്‍ പെട്രോളിയം കമ്പനിയായ വുകൂദ് പുറത്തുവിട്ടു. പുതുക്കിയ വില വ്യാഴാഴ്ച മുതല്‍ പ്രാബല്യത്തില്‍ വരും.
പ്രീമിയം പെട്രോളിനും സൂപ്പര്‍ പെട്രോളിനും മാര്‍ച്ച് മാസത്തേക്കാള്‍ 20 ദിര്‍ഹം വീതമാണ് വില വര്‍ധിപ്പിച്ചിരിക്കുന്നത്. പ്രീമിയം പെട്രോളിന് ലിറ്ററിന് 1.80 റിയാലും സൂപ്പര്‍ പെട്രോളിന് ലിറ്ററിന് 1.85 റിയാലുമാണ് ഏപ്രിലിലെ വില.
ഡീസലിന് മാര്‍ച്ച് മാസത്തേക്കാള്‍ 10 ദിര്‍ഹമാണ് വര്‍ധിപ്പിച്ചത്. ഖത്തറിലെ ഏപ്രില്‍ മാസത്തെ ഡീസല്‍ വില ലിറ്ററിന് 1.70 റിയാലാണ്.
തുടര്‍ച്ചയായ അഞ്ചാം മാസമാണ് ഖത്തറിലെ ഇന്ധനവില വര്‍ധിക്കുന്നത്.
2016 ഏപ്രില്‍ മുതലാണ് ഊര്‍ജ്ജ-വ്യവസായ മന്ത്രാലയം ഇന്ധന വില അന്താരാഷ്ട്ര വിപണിയിലേതിനു തുല്യമായ നിലയില്‍ എത്തിക്കാന്‍ തുടങ്ങിയത്. 2017 സെപ്റ്റംബര്‍ മുതലാണ് പെട്രോളിയം വില എല്ലാ മാസവും പ്രഖ്യാപിക്കാന്‍ ആരംഭിച്ചത്.
ന്യൂസ് റൂം വാര്‍ത്തകള്‍ വാട്ട്‌സ്ആപ്പില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.
ന്യൂസ് റൂം വാര്‍ത്തകള്‍ ടെലിഗ്രാമില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.
