March 16, 2020
March 16, 2020
ദോഹ : കോവിഡ് വ്യാപനത്തെ തുടർന്ന് നിരവധി സർവീസുകൾ റദ്ധാക്കിയ സാഹര്യത്തിൽ ടിക്കറ്റ് തുക തിരികെ നൽകാനും യാത്രാ തീയതികൾ നീട്ടിനൽകാനും സൗകര്യം ഒരുക്കിയതായി ഖത്തർ എയർവേയ്‌സ് അറിയിച്ചു. ഇതിന് പ്രത്യേകമായി നിരക്ക് ഈടാക്കില്ല. ട്രാവൽ ഏജൻസികൾ വഴി ടിക്കറ്റുകൾ ബുക്ക് ചെയ്തവർക്ക് ഇതിനായി അവരുമായി ബന്ധപ്പെടാവുന്നതാണ്. ഖത്തർ എയർവേയ്‌സിന്റെ ഓഫീസ് വഴിയാണ് ടിക്കറ്റ് ബുക്ക് ചെയ്തതെങ്കിൽ ടെലിഫോണിൽ വിളിച്ചു യാത്രാ തിയതി മാറ്റുകയോ നേരിൽ ചെന്ന് തുക തിരിച്ചു വാങ്ങുകയോ ചെയ്യാം. ഔദ്യോഗിക വെബ്‌സൈറ്റ് വഴിയാണ് ടിക്കറ്റ് ബുക്ക് ചെയ്തതെങ്കിൽ തുക തിരിച്ചു നല്കാൻ ഓൺലൈൻ വഴി തന്നെ അപേക്ഷനൽകുകയോ തിയതി മാറ്റുകയോ ചെയ്യാം.
ഇതിനിടെ,തിരുവനന്തപുരത്തേക്കുള്ള ഇന്നത്തെ ഖത്തർ എയർവേയ്‌സ് വിമാനം റദ്ധാക്കി. അതേസമയം വൈകീട്ട് 7.20 നുള്ള കൊച്ചി-കോഴിക്കോട് ഖത്തർ എയർവേയ്‌സ് വിമാനങ്ങൾ ഷെഡ്യുൾ ചെയ്തിട്ടുണ്ട്. ഉച്ചയ്ക്ക് 2.20 ന് ഡൽഹിയിലേക്കുള്ള ഖത്തർ എയർവേയ്‌സ് വിമാനവും യാത്ര തിരിച്ചു. വൈകീട്ട് 6.50 നുള്ള ഹൈദരാബാദ് വിമാനവും സർവീസ് നടത്തി.എയർ ഇന്ത്യ എക്സ്പ്രസിന്റെയും ഇൻഡിഗോയുടെയും കേരളത്തിലേക്കുള്ള എല്ലാ സർവീസുകളും റദ്ധാക്കിയിട്ടുണ്ട്.
ന്യൂസ്‌റൂം വാർത്തകൾ മുടങ്ങാതെ ലഭിക്കാത്തവർ +974 66200 167 എന്ന നമ്പറിലേക്ക് സന്ദേശം അയക്കുക.
