June 21, 2020
June 21, 2020
ദോഹ : ഖത്തറിൽ കോവിഡ് പരിശോധനക്കായുള്ള സാംപിള്‍ ശേഖരിക്കാന്‍(സ്വാബിങ്) സ്വകാര്യ ആശുപത്രികള്‍ക്കും പൊതുജനാരോഗ്യ മന്ത്രാലയം അനുമതി നല്‍കി .ഇതുസംബന്ധിച്ചുള്ള ഉത്തരവിന്റെ സര്‍ക്കുലര്‍ ആരോഗ്യ മന്ത്രാലയം പുറത്തിറിക്കി. സ്വകാര്യ ആശുപത്രികളില്‍ നിന്ന് സ്വാബിലൂടെ ശേഖരിക്കുന്ന സ്രവം പരിശോധനയ്ക്കായി ഹമദ് മെഡിക്കല്‍ കോര്‍പ്പറേഷന്‍ (എച്ച്എംസി) ലബോറട്ടറികളിലേക്കാണ് അയയ്ക്കുക.
യാത്രക്കാര്‍ക്കുള്ള കോവിഡ് നെഗറ്റീവ് സര്‍ട്ടിഫിക്കറ്റിന് വേണ്ടിയും പരിശോധന നടത്താമെന്നും ഉത്തരവില്‍ പറയുന്നു.കോവിഡുമായി ബന്ധപ്പെട്ട എല്ലാ പ്രോട്ടോക്കോളുകളും പാലിച്ചുകൊണ്ടായിരിക്കണം സാംപിള്‍ ശേഖരിക്കേണ്ടതെന്നും സംശയിക്കപ്പെടുന്ന കേസുകള്‍ ഐസൊലേറ്റ് ചെയ്യാനുള്ള സംവിധാനമുണ്ടാക്കണമെന്നും സർക്കുലറിൽ വ്യക്തമാക്കിയിട്ടുണ്ട്.
താഴെ പറയുന്ന വിഭാഗങ്ങളിൽ പെട്ടവരിൽ നിന്നാണ് സാമ്പിളുകൾ ശേഖരിക്കാൻ അനുമതിയുള്ളത് :
താല്‍പ്പര്യമുള്ള ആശുപത്രികള്‍ ഹമദ് മെഡിക്കല്‍ കോര്‍പ്പറേഷന്‍ പ്രത്യേക അപേക്ഷ നല്‍കണം. അപേക്ഷ പരിഗണിച്ച് കൃത്യമായ പരിശോധനകള്‍ക്ക് ശേഷം മാത്രമേ അനുമതി നല്‍കൂ. അതേസമയം,ഇത് നടപ്പിലാവണമെങ്കിൽ ചുരുങ്ങിയത് ഒരു മാസമെങ്കിലും സമയമെടുക്കുമെന്നാണ് സൂചന. സ്വകാര്യ മേഖലയിലെ ആരോഗ്യ പ്രവർത്തകർക്ക് ഇതിനാവശ്യമായ പരിശീലനം നൽകുന്നത് ഉൾപെടെയുള്ള നടപടിക്രമങ്ങൾ പൂർത്തിയാക്കേണ്ടതുണ്ട്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
