May 24, 2021
May 24, 2021
കൊച്ചി : രാഷ്ട്രീയ പ്രതികാരത്തിനായി ലക്ഷദ്വീപ് ജനതയെ ശ്വാസം മുട്ടിക്കുന്ന അഡ്മിനിസ്ട്രേറ്ററുടെ ചെയ്തികൾക്കെതിരെ നടൻ പൃഥ്വിരാജ് രംഗത്ത് .ലക്ഷദ്വീപ് അഡ്മിനിസ്ട്രേറ്ററുടെ നടപടികള് വിചിത്രമെന്ന് പൃഥ്വിരാജ് ഫേസ് ബുക്കിൽ കുറിച്ചു. ''കഴിഞ്ഞ കുറച്ചുദിവസങ്ങളിലായി എനിക്കറിയാവുന്നവരും അറിയാത്തവരുമായ പലരും ദ്വീപിൽ നിന്ന് എന്നെ ബന്ധപ്പെടുന്നു.ഹതാശരായാണ് അവർ സംസാരിക്കുന്നത്. എന്തെങ്കിലും ചെയ്യണം എന്നവർ ആവശ്യപ്പെടുന്നു. ദ്വീപുനിവാസികളാരും, എന്നോട് സംസാരിച്ചവരാരും ഇപ്പോൾ നടക്കുന്ന കാര്യങ്ങളിൽ സന്തുഷ്ടരല്ല.
ഏതെങ്കിലും നിയമമോ പരിഷ്കരണമോ ഭേദഗതിയോ കൊണ്ടുവരുമ്പോൾ അത് ആ ദേശത്തെ ജനങ്ങള്ക്ക് വേണ്ടിയാകണം. നൂറ്റാണ്ടുകള് പഴക്കമുള്ള സമാധാനപരമായ ജീവിതരീതിയെ തടസ്സപ്പെടുത്തുന്നത് എങ്ങനെ പുരോഗതിയുടെ സ്വീകാര്യമായ മാര്ഗമായി മാറുന്നു? ഒരു അതോറിറ്റിയുടെ തീരുമാനങ്ങളില് ഒരു സമൂഹം മുഴുവനും അസംതൃപ്തരാകുമ്പോൾ അവർക്ക് പറയാനുള്ളത് കേൾക്കണം ''-അദ്ദേഹം കുറിച്ചു.
ലക്ഷദ്വീപിലെ ജനതയോടൊപ്പം നില്ക്കുന്നുവെന്നും പൃഥ്വിരാജ് വ്യക്തമാക്കി.
ന്യൂസ്റൂം വാട്സ്ആപ് ഗ്രൂപ്പിൽ പുതുതായി ചേരാൻ
https://chat.whatsapp.com/G3GYQhfaTLoDVK1Qr9fc5G