November 30, 2019
November 30, 2019
ഫോട്ടോ : ഗൾഫ് ന്യൂസ്
ദുബായ് : യു.എ.ഇ യിൽ പുകയില ഉൽപന്നങ്ങൾക്കും സോഡയും മധുരം ചേർത്ത ജ്യുസുകളും ഉൾപെടെയുള്ള ചിലയിനം ശീതള പാനീയങ്ങൾക്കും ഡിസംബർ ഒന്നു മുതൽ വില കൂടും. അമ്പത് മുതൽ 100 ശതമാനം വരെയാണ് വില വർധിക്കുന്നത്. യു.എ.ഇ ഫെഡറൽ ടാക്സ് അതോറിറ്റിയാണ് ഇക്കാര്യം അറിയിച്ചത്.
വിലവർധന ഇങ്ങനെ :
സിഗരറ്റും മറ്റ് പുകയില ഉൽപന്നങ്ങളും - 100 ശതമാനം
എനർജി ഡ്രിങ്ക്സ് - 100 ശതമാനം
ഇലക്ട്രോണിക് പുകവലി ഉൽപന്നങ്ങൾ - 100 ശതമാനം
ഷീഷ പോലുള്ള ഉപകരണങ്ങളിൽ ഉപയോഗിക്കുന്ന ദ്രവരൂപത്തിലുള്ള ഉൽപന്നങ്ങൾ - 100 ശതമാനം
പഞ്ചസാരയോ ആരോഗ്യത്തിന് ഹാനികരമാകുന്ന മറ്റ് മധുരമോ ചേർത്ത ശീതളപാനീയങ്ങൾ - 50 ശതമാനം
സെലക്ടിവ് ടാക്സ് ഏര്പ്പെടുത്തി ഉപഭോഗം കുറയ്ക്കാന് ജനങ്ങളെ പ്രേരിപ്പിക്കുന്നതിന് വേണ്ടി മൂല്യവർധിത നികുതി ഏർപെടുത്താൻ ജിസിസി രാജ്യങ്ങള് കൂട്ടായി സ്വീകരിച്ച നയത്തിന്റെ ഭാഗമായാണ് വിലവർധന നടപ്പിലാക്കുന്നത്. നികുതി രജിസ്ട്രേഷൻ നടപടികൾ കൃത്യസമയത്ത് പൂർത്തിയാക്കി പിഴ ഉൾപ്പെടെയുള്ള തടസ്സങ്ങൾ ഒഴിവാക്കണമെന്ന് രാജ്യത്തെ വാണിജ്യ സ്ഥാപനങ്ങളോടും അധികൃതർ ആവശ്യപ്പെട്ടു.