May 11, 2020
May 11, 2020
റിയാദ് : നാട്ടിലേക്ക് മടങ്ങാൻ സൗദിയിലെ ഇന്ത്യൻ എംബസിയിൽ പേർ രജിസ്റ്റർ ചെയ്ത് കാത്തിരിക്കുകയായിരുന്ന മലയാളി യുവതിയെ സൗദിയിലെ തബൂക്കിൽ താമസിക്കുന്ന ഫ്ളാറ്റിൽ മരിച്ച നിലയിൽ കണ്ടെത്തി. പത്തനംതിട്ട വാഴമുട്ടം കൊല്ലടിയിൽ പരേതനായ മാത്യുവിന്റെ മകൾ സ്നേഹ മാത്യു (30) ആണ് മരിച്ചത്.
സൗദി അറേബ്യയുടെ വടക്കൻ മേഖലയായ തബൂക്കിലെ ഫ്ലാറ്റിൽ ശനിയാഴ്ച വൈകീട്ടാണ് സ്നേഹയെ മരിച്ച നിലയിൽ കണ്ടെത്തിയത്.തബൂക്കിലെ മിലിട്ടറി ആശുപത്രിയിൽ ജോലി ചെയ്യുന്ന ഭർത്താവ് ജിജോ വർഗീസ് ജോലി കഴിഞ്ഞ് തിരിച്ചെ ത്തിയപ്പോഴാണ് ഭാര്യയെ മരിച്ച നിലയില് കണ്ടത്. നാട്ടിൽപോകാൻ വേണ്ടി ഇന്ത്യൻ എംബസിയിൽ പേര് രജിസ്റ്റർ ചെയ്ത് കാത്തിരിക്കുകയായിരുന്നു. രണ്ട് മക്കളുണ്ട്.
മൂത്ത മകള് എയ്ഞ്ചൽ.തബൂക്ക് ഇൻറർനാഷനൽ ഇന്ത്യൻ സ്കൂളിൽ മൂന്നാം ക്ലാസ് വിദ്യാർഥിനിയാണ് നാല് മാസം പ്രായമുള്ള മറ്റൊരു കുഞ്ഞുമുണ്ട്. മരണ കാരണം വ്യക്തമല്ല.മൃതദേഹം നാട്ടിൽകൊണ്ടുപോകുന്ന തിനുള്ള നടപടികൾക്ക് കോൺസുലേറ്റിന് കീഴിലുള്ള കമ്യൂണിറ്റി വെൽഫെയർ കമ്മിറ്റി അംഗം ലാലു ശൂരനാടും സഹപ്രവർത്തകരും രംഗത്തുണ്ട്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.