January 16, 2020
January 16, 2020
ദോഹ : അഞ്ചാമത് 'പാസ്സേജ് റ്റു ഇന്ത്യ' സാംസ്കാരികോത്സവത്തിന് ദോഹയിൽ ഇന്ന് തുടക്കമാകും. വ്യാഴാഴ്ച വൈകീട്ട് ആറിന് മ്യുസിയം ഓഫ് ഇസ്ലാമിക് ആർട്സ് പാർക്കിൽ ഇന്ത്യൻ സ്ഥാനപതി പി.കുമാരൻ രണ്ടു ദിവസത്തെ മേള ഉത്ഘാടനം ചെയ്യും. ഇന്ത്യൻ എംബസിയുടെയും മ്യുസിയം ഓഫ് ഇസ്ലാമിക് ആർട്സിന്റെയും സഹകരണത്തോടെ ഇന്ത്യൻ കൾച്ചറൽ സെന്ററാണ് പാസേജ് റ്റു ഇന്ത്യ സംഘടിപ്പിക്കുന്നത്. ഇന്ന് വൈകീട്ട് 5 മുതൽ രാത്രി 11 വരെയും നാളെ ഉച്ചയ്ക്ക് 1 മണി മുതൽ രാത്രി 11 വരെയുമാണ് മേള നടക്കുക. പ്രവേശനം സൗജന്യമാണ്.
ഇന്ത്യയിലെ വിവിധ സംസ്ഥാനങ്ങളെ പ്രതിനിധീകരിക്കുന്ന കലാസാംസ്കാരിക പരിപാടികൾ മേളയിൽ അരങ്ങേറും. ഇന്ത്യയുടെ കരകൗശല ഉത്പന്നങ്ങൾ,തുണിത്തരങ്ങൾ,ഭക്ഷ്യ വിഭവങ്ങൾ എന്നിവയുടെ സ്റ്റാളുകളുമുണ്ടാകും.ചെങ്കോട്ടയുടെ മാതൃകയിലാണ് പ്രദർശന നാഗരിയിലേക്കുള്ള കവാടം ഒരുക്കിയിരിക്കുന്നത്.വിശ്വകലാവേദിയാണ് മുഗൾ രാജവംശത്തിന്റെ പരമ്പരാഗത കലാപാരമ്പര്യം ഓർമപ്പെടുത്തുന്ന മനോഹരമായ പ്രവേശന കവാടം നിർമിച്ചത്.
