November 14, 2019
November 14, 2019
ദോഹ: കോര്‍ണിഷ് സ്ട്രീറ്റില്‍ പൊതുമരാമത്ത് അതോറിറ്റി ഭാഗിക ഗതാഗത നിയന്ത്രണം ഏര്‍പ്പെടുത്തി. ഷെറാട്ടന്‍ ഇന്റര്‍സെക്ഷനും നാഷനല്‍ തിയറ്റര്‍ ഇന്റര്‍സെക്ഷനുമിടയിലുള്ള സമാന്തരപാതയിലേക്കാണ് അശ്ഗാല്‍ ഗതാഗതം വഴി തിരിച്ചുവിടുന്നത്.ശനിയാഴ്ച മുതല്‍ ആറു മാസത്തേക്കാണു സമാന്തരപാതയിലേക്കുള്ള ഗതാഗതമാറ്റം.
കാല്‍നട യാത്രക്കാര്‍ക്കായി നിർമിക്കുന്ന അണ്ടര്‍പാസിന്റെ അവസാനഘട്ട നിര്‍മാണ പ്രവൃത്തികളുടെ ഭാഗമായാണു ഗതാഗത നിയന്ത്രണം ഏര്‍പ്പെടുത്തിയത്.
ഈ സമയത്ത് ദോഹയില്‍ നിന്ന് കോര്‍ണിഷ് സ്ട്രീറ്റ് വഴി ദാഫ്‌നയിലേക്കു പോകുന്നവര്‍ നാഷനല്‍ ലൈബ്രറി, ഷെറാട്ടന്‍ ഇന്റര്‍സെക്ഷനുകള്‍ക്കിടയില്‍ സമാന്തരപാതയെ ആശ്രയിക്കണം. ദഫ്‌നയില്‍ നിന്ന് ദോഹയിലേക്കു പോകുന്നവര്‍ നാഷനല്‍ ലൈബ്രറി, നാഷനല്‍ തിയറ്റര്‍ ഇന്റര്‍സെക്ഷനുകള്‍ ക്കിടയിലും സമാന്തരപാതയെ ആശ്രയിക്കേണ്ടി വരും. പുതിയ ഗതാഗതമാറ്റം അറിയിച്ചുകൊണ്ടുള്ള സൂചനാബോര്‍ഡുകള്‍ വിവിധ കേന്ദ്രങ്ങളില്‍ സ്ഥാപിക്കുമെന്ന് അശ്ഗാല്‍ അറിയിച്ചു.
