April 03, 2020
April 03, 2020
ന്യൂഡൽഹി : കോവിഡ് മഹാമാരിയെ പ്രതിരോധിക്കുന്നതിന്റെ ഭാഗമായി പ്രതീകാത്മക പരിപാടിക്ക് ആഹ്വനം ചെയ്ത് പ്രധാന മന്ത്രി നരേന്ദ്രമോദി.ഏപ്രില് അഞ്ചിന് രാത്രി ഒന്പത് മണിക്ക് വീട്ടിലെ എല്ലാ വിളക്കുകളും അണച്ച ശേഷം വാതില്ക്കലോ, ബാല്ക്കണിയിലോ വന്ന് വിളക്ക്, മെഴുകുതിരി, ടോര്ച്ച്, മൊബൈല് ലൈറ്റ് എന്നിവ തെളിയിക്കാനാണ് ആവശ്യപ്പെട്ടിരിക്കുന്നത്.
ലോക്ക്ഡൗണ് പ്രഖ്യാപിച്ച് 9 ദിവസം പിന്നിടുമ്പോൾ രാജ്യം നല്ല രീതിയിലാണ് പ്രതികരിച്ചത്. ലോകത്തെ പല രാജ്യങ്ങളും ഇന്ത്യയുടെ നടപടിയെ മാതൃകയാക്കുന്നു. ഇത് രാജ്യത്തെ ജനങ്ങളുടെ സാമൂഹിക പ്രതിബദ്ധതയുടെ തെളിവാണ്. നമ്മളാരും ഒറ്റയ്ക്കല്ല. 130 കോടി ജനങ്ങളും ഒറ്റക്കെട്ടാണ്.
കൊറോണ ഉയര്ത്തുന്ന ഭീഷണിയുടെ ഇരുട്ട് മായ്ക്കണം. അതിനായി ഞായറാഴ്ച രാത്രി 9 മണിക്ക് 9 മിനിറ്റ് വെളിച്ചം തെളിയ്ക്കണം. വീടുകളിലെ ലൈറ്റ് അണച്ച് വിളക്ക്, മെഴുകുതിരി, ടോര്ച്ച്, മൊബൈല് ലൈറ്റ് എന്നിവ തെളിയിക്കുക. ഈ സമയത്ത് ആരും പുറത്തിറങ്ങി ഒത്തുചേരരുത്.. വീട്ടിലെ ബാല്ക്കണിയിലോ വാതിലിലോ നിൽക്കുക.. ഈ വെളിച്ചം 130 കോടി ജനങ്ങളുടെ ശക്തിയുടെ പ്രകടനമാകും.
ജനങ്ങളുടെ ഊര്ജ്ജവും ആത്മവിശ്വാസവും വര്ധിപ്പിക്കാനും ലോക്ക് ഡൗണിന്റെ പ്രാധാന്യം ബോധിപ്പിക്കാനുമാണ് പ്രധാനമന്ത്രി ഈ പരിപാടിക്ക് ആഹ്വാനം ചെയ്തിരിക്കുന്നത്.
ജനതാ കർഫ്യു പ്രഖ്യാപിച്ചപ്പോൾ ആളുകൾ പാത്രം മുട്ടി തെരുവിൽ ഇറങ്ങിയത് രാജ്യത്തിന് അപമാനമുണ്ടാക്കിയിരുന്നു.ഈ സാഹചര്യത്തിലാണ്,പുറത്തിറങ്ങി കൂട്ടം ചേരരുതെന്നും ബാൽകണികളിലോ വാതിൽക്കലോ നിന്ന് 9 മിനുട്ട് സമയം വെളിച്ചം തെളിയിക്കണമെന്നും പ്രധാനമന്ത്രി പ്രത്യേകം ഓർമിപ്പിച്ചത്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.