September 12, 2019
September 12, 2019
കണ്ണൂര്‍: ബിജെപിയില്‍ ചേരുമെന്ന വ്യാജപ്രചാരണത്തിനെതിരെ സിപിഎം നേതാവ് പി. ജയരാജന്‍ കേസ് നല്‍കി. സിപിഎം സംസ്ഥാന സമിതിയംഗവും മുന്‍ കണ്ണൂര്‍ ജില്ലാ സെക്രട്ടറിയുമായ ജയരാജന്‍ കണ്ണൂര്‍ ഡിവൈഎസ്പിക്കാണ് പരാതി നല്‍കിയത്. വ്യാജരേഖകളുണ്ടാക്കി അപകീര്‍ത്തിപ്പെടുത്തിയെന്നാണ് പരാതി.
സംഘ്പരിവാര്‍ ഗ്രൂപ്പുകളും മുസ്‌ലിം തീവ്രവാദ ഗ്രൂപ്പുകളുമാണ് പ്രചാരണത്തിനു പിന്നിലെന്നാണ് പി. ജയരാജന്റെ ആരോപണം. ഇതിനെതിരേ നിയമനടപടികള്‍ സ്വീകരിക്കുമെന്ന് ജയരാജന്‍ നേരത്തെ പറഞ്ഞിരുന്നു. രാഷ്‌ട്രീയ ജീവിതത്തിന്‍റെ പ്രധാന ഭാഗവും സംഘപരിവാര ശക്തികള്‍ക്കെതിരായി പോരാടിയ ആളാണ് താന്‍. ഇത് എപ്പോഴും ഇപ്പോഴും തുടര്‍ന്നുകൊണ്ടിരിക്കുകയാണ്. അതിനാല്‍ തന്നെ വ്യാജവാര്‍ത്തകള്‍ ജനങ്ങള്‍ക്കിടയില്‍ വിലപ്പോകില്ലെന്നും ജയരാജന്‍ പറഞ്ഞു.
