March 05, 2021
March 05, 2021
ദോഹ: പരിശുദ്ധ റമദാന്‍ മാസത്തില്‍ ഖത്തറില്‍ അഞ്ഞൂറിലധികം ഉല്‍പ്പന്നങ്ങളുടെ വില നിയന്ത്രിക്കുമെന്ന് വാണിജ്യ-വ്യവസായ മന്ത്രാലയം. റമദാനില്‍ സാധനങ്ങള്‍ക്ക് വില കുറയുമെന്നും അതിന് മന്ത്രാലയം സ്വീകരിച്ച നടപടികള്‍ക്കാണ് നന്ദി പറയേണ്ടതെന്നും വാണിജ്യ-വ്യവസായ മന്ത്രാലയത്തിലെ അസിസ്റ്റന്റ് അണ്ടര്‍ സെക്രട്ടറി ശൈഖ് ജാസിം ബിന്‍ ജബോര്‍ അല്‍താനി ഖത്തര്‍ ടി.വിയോട് പറഞ്ഞു.
ഗുണനിലവാരമുള്ള ഉല്‍പ്പന്നങ്ങളുടെ ലഭ്യത ഉറപ്പുവരുത്താനായി പഴം, പച്ചക്കറി കടകളില്‍ നിരീക്ഷണം ശക്തമാക്കിയിട്ടുണ്ട്. അടുത്തിടെയായി മത്സ്യത്തിന്റെയും മറ്റ് സമുദ്രഉല്‍പ്പന്നങ്ങളുടെയും വ്യാപാരം ശക്തമായി നിരീക്ഷിച്ചതിനാല്‍ വില ഗണ്യമായി കുറയ്ക്കാന്‍ കഴിഞ്ഞു. ഇതൊരു വലിയ നേട്ടമാണെന്നും അദ്ദേഹം പറഞ്ഞു.
റമദാനില്‍ സബ്‌സിഡി നിരക്കില്‍ ഇറച്ചി ലഭ്യമാക്കാനുള്ള സംരംഭവും ഖത്തറിലുണ്ട്. കഴിഞ്ഞ ഒമ്പത് വര്‍ഷമായി മന്ത്രാലയം ഈ സംരംഭം തുടരുന്നുവെന്നും ശൈഖ് ജാസിം പറഞ്ഞു.
'ആസൂത്രണ, സ്ഥിതിവിവരക്കണക്ക് അതോറിറ്റി പുറപ്പെടുവിച്ച ഉപഭോക്തൃ വില സൂചിക അനുസരിച്ച് റമദാന്‍ മാസത്തില്‍ ഉല്‍പ്പന്നങ്ങള്‍ക്ക് വില കുറയും. വാണിജ്യ-വ്യവസായ മന്ത്രാലയം സ്വീകരിച്ച നടപടികള്‍ക്ക് നന്ദി.' -ശൈഖ് ജാസിം പറഞ്ഞു.
ന്യൂസ് റൂം വാര്‍ത്തകള്‍ വാട്ട്‌സ്ആപ്പില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.
ന്യൂസ് റൂം വാര്‍ത്തകള്‍ ടെലിഗ്രാമില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.
