May 25, 2020
May 25, 2020
മസ്കത്ത് : സുപ്രീം കമ്മിറ്റി നിര്ദേശങ്ങള് ലംഘിച്ച് പെരുന്നാള് ദിനത്തില് അനധികൃതമായി ഒത്തുചേര്ന്ന 136 പ്രവാസികളെ അറസ്റ്റ് ചെയ്തതായി റോയല് ഒമാന് പൊലീസ് അറിയിച്ചു. പെരുന്നാള് നമസ്കാരത്തിനും ആഘോഷത്തിനും ഒത്തുചേരരുതെന്ന് ഒമാന് കര്ശനമായി നിര്ദേശിച്ചിരുന്നു. ഇത് ലംഘിച്ച് ഗാല വ്യവസായ മേഖലയില് പെരുന്നാള് പ്രാര്ഥനക്കായി ഒത്തുചേര്ന്നതിന് 40 പേര് പിടിയിലായി.
കെട്ടിടത്തിെന്റ മേല്ക്കൂരയിലാണ് ഇവര് ഒത്തുചേര്ന്നത്. അല് ഖൂദിൽ പെരുന്നാള് നമസ്കാരത്തിന് ഒത്തുചേര്ന്ന 13 പേര് പിടിയിലായി.ദാഖിലിയ ഗവര്ണറേറ്റില് 49 പേരെയാണ് അറസ്റ്റ് ചെയ്തത്. കമേഴ്സ്യല് കോംപ്ലകസില് ഞായറാഴ്ച ഉച്ചക്ക് ഭക്ഷണത്തിനാണ് ഇവര് ഒത്തുചേര്ന്നത്.
മസ്കത്തിലെ അല് അന്സാബില് ഞായറാഴ്ച വൈകുന്നേരം ക്രിക്കറ്റ് കളിക്കാനിറങ്ങിയ 34 പേരെയും പിടികൂടി.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക