October 31, 2019
October 31, 2019
ഷാർജ : ജനാധിപത്യത്തിന്റെ മറവിൽ നരേന്ദ്രമോദി സർക്കാറിന്റെ മുസ്ലിം വിരുദ്ധ നയം അംഗീകരിക്കാനാവില്ലെന്ന് നോബൽ സമ്മാന ജേതാവും ലോകപ്രശസ്ത എഴുത്തുകാരനുമായ ഒർഹാൻ പാമുഖ്. മോദി സർക്കാർ ന്യുനപക്ഷ വിരുദ്ധ സമീപനം സർക്കാർ തിരുത്തണമെന്ന് പാമുഖ് ആവശ്യപ്പെട്ടു. ലോകത്തിന്റെ വിവിധ ഭാഗങ്ങളിൽ തീവ്ര വലതുപക്ഷക്കാർ അധികാരത്തിൽ വരുന്നത് ആശങ്കാജനകമാണെന്നും ഷാർജ അന്താരാഷ്ട്ര പുസ്തകമേളയിൽ മുഖ്യാതിഥിയായി പങ്കെടുത്ത പാമുക് പറഞ്ഞു.
ജനായത്തത്തിന്റെ മറവിൽ അധികാരത്തിൽ വന്നു എന്നതിന്റെ പേരിൽ മുസ്ലിംകള് ഉൾപ്പെടെയുള്ള ന്യുനപക്ഷങ്ങൾക്കെതിരായ നിലപാട് അംഗീകരിക്കാനാവില്ലെന്ന് ഒർഹാൻ പാമുഖ് 'മീഡിയവണി'നോട് പറഞ്ഞു.
ലോകത്തുടനീളം ന്യുനപക്ഷ വംശീയ വിഭാഗങ്ങളും അഭയാർഥികളും വലിയ വെല്ലുവിളിയാണ് നേരിടുന്നതെന്നും ഇത് എത്രകാലം തുടരുമെന്ന് പറയാനാകില്ലെന്നും അദ്ദേഹം അഭിപ്രായപ്പെട്ടു. മലയാളത്തിൽ നിന്ന് തന്റെ കൃതികൾക്ക് ലഭിക്കുന്ന സ്വീകാര്യത അമ്പരപ്പിക്കുന്നതാണെന്ന് അദ്ദേഹം കൂട്ടിചേർത്തു.