December 06, 2019
December 06, 2019
കുവൈത്ത് സിറ്റി : കുവൈത്തിലെ സ്വദേശി കുടുബങ്ങളിൽ ഇനി മുതൽ രണ്ടിൽ കൂടുതൽ ഡ്രൈവർമാരെ അനുവദിക്കില്ലെന്ന് അധികൃതർ അറിയിച്ചു. ഇക്കാര്യം അറിയിച്ചുകൊണ്ട് താമസകാര്യ വിഭാഗം എല്ലാ ഗവർണറേറ്റുകൾക്കും സർക്കുലർ നൽകിയതായി അൽ അൻബ ദിനപത്രം റിപ്പോർട്ട് ചെയ്തു. ഏതെങ്കിലും കുടുംബങ്ങൾക്ക് രണ്ടിൽ കൂടുതൽ ഡ്രൈവർമാരെ ആവശ്യമുണ്ടെങ്കിൽ ബന്ധപ്പെട്ട വകുപ്പിൽ നിന്നും നോ ഒബ്ജക്ഷൻ സർട്ടിഫിക്കറ്റ് ഹാജരാക്കേണ്ടി വരും.
രാജ്യത്തെ വിദേശതൊഴിലാളികളുടെ എണ്ണം കുറച്ച് ജനസംഖ്യ സന്തുലനം ഉറപ്പ് വരുത്താനും നിരത്തുകളിലെ ഗതാഗത കുരുക്ക് കുറക്കാനും ലക്ഷ്യമാക്കിയാണ് നടപടി.