November 10, 2019
November 10, 2019
മസ്കത്ത് : ഒമാനിലെ സോഹാറിൽ മിന്നലേറ്റ് മൂന്നു പേർക്ക് പൊള്ളലേറ്റു. ഒരാളുടെ നില ഗുരുതരമായി തുടരുന്നതായി റോയൽ ഒമാൻ പൊലീസ് അറിയിച്ചു.ഗുരുതരമായി പൊള്ളലേറ്റയാളെ സോഹാർ ആശുപത്രിയിൽ പ്രവേശിപ്പിച്ചു.
കഴിഞ്ഞ ഏതാനും ദിവസങ്ങളായി ഒമാന്റെ വിവിധ ഭാഗങ്ങളിൽ ശക്തമായ മഴയാണ് റിപ്പോർട്ട് ചെയ്തത്. നോർത്ത്‌ അൽബാത്തിന മേഖലയിൽ ശക്തമായ കാറ്റും മഴയും ഇടിമിന്നലും തുടരുകയാണ്.അതിനിടെ, അൽകബൂറായിലെ അൽഖുലയ് താഴ്‌വരയിൽ കുടുങ്ങിയ ഒമാനി കുടുംബത്തെ നാട്ടുകാർ രക്ഷിച്ചു. ഇവർ സുരക്ഷിതരും ആരോഗ്യവാന്മാരുമാണെന്ന് പൊലീസ് അറിയിച്ചു. വീടുകളിൽ നിന്ന് പുറത്തിറങ്ങുമ്പോൾ ജാഗ്രത പാലിക്കണമെന്ന് അധികൃതർ നിർദേശം നൽകിയിട്ടുണ്ട്.
