December 08, 2020
December 08, 2020
മസ്കത്ത് : ഖത്തർ അമീർ ശൈഖ് തമീം ബിൻ ഹമദ് അൽതാനി ഒമാൻ ഭരണാധികാരി സുൽത്താൻ ഹാതിം ബിൻ താരിഖുമായി ടെലിഫോണിൽ ബന്ധപ്പെട്ടതായി ഒമാൻ ന്യൂസ് ഏജൻസി റിപ്പോർട്ട് ചെയ്തു.'തങ്ങളുടെ സഹോദരനും ഖത്തർ ഭരണാധികാരിയുമായ അമീർ ശൈഖ് തമീം ബിൻ ഹമദ് അൽതാനി ഒമാൻ ഭരണാധികാരിയുടെ ടെലിഫോണിൽ സംഭാഷണം നടത്തി.ഇരു രാജ്യങ്ങൾക്കുമിടയിലെ ഉഭയകക്ഷി സഹരണം മെച്ചപ്പെടുത്തുന്നതിനെ കുറിച്ച് നേതാക്കൾ ചർച്ച ചെയ്തു' ഒമാൻ ന്യൂസ് ഏജൻസി പ്രസ്താവനയിൽ അറിയിച്ചു.
കുവൈത്ത് അമീര് ശൈഖ് നവാഫ് അല്-അഹ്മദ് അല്-ജാബെര് അല്സബാഹുമായും കഴിഞ്ഞ ദിവസം ഖത്തർ അമീർ ടെലിഫോണിൽ ബന്ധപ്പെട്ടിരുന്നു.ഈ മാസം ബഹറിനിൽ നടക്കുന്ന ഗൾഫ് ഉച്ചകോടിയിൽ ഖത്തറും ചില അയൽ രാജ്യങ്ങളും തമ്മിൽ നിലനിൽക്കുന്ന ഭിന്നിപ്പിന് പരിഹാരമാകുമെന്ന റിപ്പോർട്ടുകൾ പുറത്തുവരുന്നതിനിടെയാണ് ഖത്തർ അമീർ സുഹൃദ് രാജ്യങ്ങളിലെ ഭരണാധികാരികളുമായി ടെലിഫോണിൽ സംഭാഷണം നടത്തിയത്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക