June 27, 2020
June 27, 2020
മസ്കത്ത് : ഒമാനിൽ കോവിഡ് ബാധിച്ച് ചികിത്സയിലായിരുന്ന ആറു പേർ കൂടി കഴിഞ്ഞ 24 മണിക്കൂറിനിടെ മരിച്ചു.ഇതോടെ മരണസംഖ്യ 159 ആയി. ഇന്ന് 919 പേർക്ക് കൂടി കോവിഡ് സ്ഥിരീകരിച്ചു. ഇതോടെ ഒമാനിലെ ആകെ വൈറസ് ബാധിതരുടെ എണ്ണം 36,953 ആയി.
ഇന്ന് കോവിഡ് പോസിറ്റീവായവരിൽ 517 പേർ സ്വദേശികളും 402 പേർ വിദേശികളുമാണ്.24 മണിക്കൂറിനിടെ 881 പേർ കൂടി സുഖം പ്രാപിച്ചതോടെ രോഗമുക്തി നേടിയവരുടെ എണ്ണം 20,363 ആയി.കഴിഞ്ഞ 24 മണിക്കൂറിനിടെ 2,508 പേർക്കാണ് കോവിഡ് പരിശോധന നടത്തിയത്.
പുതിയതായി 52 പേരെ കൂടി ആശുപത്രിയിൽ പ്രവേശിപ്പിച്ചതോടെ രാജ്യത്ത് ചികിത്സയിൽ തുടരുന്ന കോവിഡ് ബാധിതരുടെ എണ്ണം 431 ആയി. ഇതിൽ 113 പേർ തീവ്രപരിചരണ വിഭാഗത്തിലാണ്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക