June 30, 2020
June 30, 2020
മസ്കത്ത് : ഒമാനിൽ കോവിഡ് ബാധിതരുടെ എണ്ണം 40,000 പിന്നിട്ടു.ഇന്ന് 1,010 പേർക്ക് കൂടി ഇന്ന് കോവിഡ് സ്ഥിരീകരിച്ചതോടെ ഒമാനിലെ ആകെ കോവിഡ് ബാധിതരുടെ എണ്ണം 40,070 ആയി. കോവിഡ് ചികിത്സയിലായിരുന്ന 7 പേർ കൂടി ഇന്ന് മരണപ്പെട്ടതോടെ രാജ്യത്തെ ആകെ കോവിഡ് മരണസംഖ്യ 176 ആയി.
ഇന്ന് കോവിഡ് പോസിറ്റീവായവരിൽ 776 പേരും ഒമാൻ പൗരൻമാരുമാണ്. 234 പ്രവാസികൾക്കും ഇന്ന് വൈറസ് ബാധ സ്ഥിരീകരിച്ചു. 24 മണിക്കൂറിനിടെ 1,003 പേർക്ക് കൂടി കോവിഡ് ഭേദമായതോടെ രാജ്യത്ത് കോവിഡിനെ അതിജീവിച്ചവരുടെ എണ്ണം 23,425 ആയി. കഴിഞ്ഞ 24 മണിക്കൂറിനിടെ 3,121 പേർക്കാണ് കോവിഡ് പരിശോധന നടത്തിയത്.
പുതിയതായി 51 പേരെ കൂടി ആശുപത്രിയിൽ പ്രവേശിപ്പിച്ചതോടെ രാജ്യത്ത് ചികിത്സയിൽ തുടരുന്ന കോവിഡ് രോഗികളുടെ എണ്ണം 437 ആയി. ഇതിൽ 117 പേർ ഐ.സി.യു വിലാണ്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
